कुटीर उद्योग मन के प्रोत्साहन ले मजबूत होही ग्रामीण अर्थव्यवस्था: मुख्यमंत्री श्री बघेल

  • साईंस कॉलेज मैदान म क्षेत्रीय सरस मेला के शुभारंभ
  • 15 राज्य मन के महिला स्वसहायता समूह मन ह उत्पादित चीज मन अऊ कलाकृति मन के लगाए हें स्टॉल

रायपुर, मुख्यमंत्री श्री भूपेश बघेल ह कहिन हे के कुटीर उद्योग मन ल बढ़ावा देहे ले ग्रामीण अर्थव्यवस्था म सुधार आही अऊ बहिनी मन ल रोजगार मिलही। गांव म बने जिनिस मन के पूरा देश भर म बिक्री होही अऊ स्व सहायता समूह मन कोति ले बने खाद्य चीज मन के आनंद ग्राहक मन ल घलोक मिलही। मुख्यमंत्री श्री बघेल काल रात राजधानी रायपुर के साइंस कॉलेज मैदान म क्षेत्रीय सरस मेला के शुभारंभ करिस । ग्रामीण महिला मन ल आर्थिक रूप ले सशक्त अऊ आत्मनिर्भर बनाए बर पंचायत अऊ ग्रामीण विकास विभाग अऊ जिला पंचायत रायपुर कोति ले अवइया 5 फरवरी तक चलइया ए आठ दिवसीय मेला के आयोजन करे गए हे।

लउछरहा..