मुख्यमंत्री ह सूरजपूर जिला म लटोरी ल तहसील बनाए के करिन घोषणा

रायपुर, मुख्यमंत्री श्री भूपेश बघेल ह सूरजपुर जिला के ग्राम पंचायत सिलफिली म आयोजित सुपोषण संगोष्ठी अऊ किसान सभा ल सम्बोधित करत मुख्यमंत्री ह लटोरी ल तहसील बनाए के घोषणा करिन। मुख्यमंत्री श्री बघेल ह जिला ल 149 करोड़ 04 लाख 24 हजार ले जादा के राशि के कुल 532 विकास अऊ निर्माण काम मन के लोकार्पण अऊ भूमिपूजन करके सौगात दीन। एमां 55 करोड़ 73 लाख 91 हजार रूपिया के 121 काम मन के लोकार्पण अऊ 93 करोड 30 लाख 33 हजार रूपिया ले जादा के 411 काम मन के भूमिपूजन सामिल हे।
ये बेरा म शिक्षा मंत्री डॉ. प्रेमसाय सिंह टेकाम, खाद्य अऊ नागरिक आपूर्ति मंत्री श्री अमरजीत भगत, सरगुजा विकास प्राधिकरण अध्यक्ष अऊ प्रेमनगर विधायक श्री खेलसाय सिंह, भटगांव विधायक श्री पारसनाथ राजवाडे़, जिला पंचायत अध्यक्ष श्री अशोक जगते, संभागायुक्त श्री ईमिल लकड़ा, पुलिस अधीक्षक श्री राजेश कुकरेजा, जिला पंचायत सीईओ श्री अश्वनी देवांगन उपस्थित रहिन।