लोक नृत्य आदिवासी संस्कृति अऊ जन जीवन के अभिन्न अंग- डॉ. प्रेम साय सिंह टेकाम

  • राज्य स्तरीय शहीद वीर नारायण सिंह स्मृति आदिवासी लोक नृत्य महोत्सव
  • 700 ले जादा कलाकार मन ह दीन शानदार प्रस्तुति

रायपुर, आदिम जाति अऊ अनुसूचित जाति विकास मंत्री डॉ. प्रेम साय सिंह टेकाम ह कहिन हे कि लोक नृत्य आदिवासी संस्कृति अऊ जन जीवन के अभिन्न अंग हे। उमन ये आशय के उद्गार आज राज्य स्तरीय शहीद वीर नारायण सिंह स्मृति आदिवासी लोक नृत्य महोत्सव के नवा रायपुर के साऊथ सेन्ट्रल पार्क म शुभारंभ अवसर म व्यक्त करिन। राज्य स्तरीय महोत्सव म 710 कलाकार मन ह पारम्परिक वेशभूषा म कला के शानदार प्रस्तुति दीन। डॉ. टेकाम ह शहीद वीर नारायण सिंह के फोटू के आगू दीया बारिन अऊ राज्य गीत के बाद महोत्सव शुभारंभ के घोषणा करत कहिन कि हर्ष के विसय हे कि राज्य स्तरीय प्रतियोगिता म छत्तीसगढ़ के समृद्ध आदिवासी संस्कृति के प्रदर्शन होवइया हे। राज्य स्तरीय प्रतियोगिता म चुने गए प्रदेश के आदिवासी नर्तक दल मन ल राज्य के विविधतापूर्ण अऊ समृद्ध जनजाति संस्कृति ले देश-विदेश के कलाकार मन अऊ अतिथि मन ल परिचित कराए के सुनहरा अवसर मिलने वाला हे।

डॉ. टेकाम ह कहिन कि इहू बताना जरूरी हेकि ये साल राज्य शासन कोति ले 27, 28 अऊ 29 दिसम्बर के प्रदेश के राजधानी रायपुर म राष्ट्रीय आदिवासी लोक कला महोत्सव के आयोजन करे जात हे। ये मा देश के कई राज्य मन के आदिवासी लोक नर्तक दल भाग लेहीं। एखरे संगेच विदेश मन ले घलोक कलाकार ये आयोजन के हिस्सा बनहीं। उमन ये राज्य स्तरीय प्रतियोगिता के माध्यम ले राष्ट्रीय आदिवासी लोक कला महोत्सव म चुने गए नर्तक दल मन ल अग्रिम बधाई अऊ शुभकामना दीन। उमन कहिन कि शासन कोति ले आदिवासी मन के धरोहर स्वरूप उंखर सभ्यता, संस्कृति अऊ पूजा स्थल के संरक्षण अऊ सतत् विकास बर समर्पित रूप ले सरलग काम करे जात हे।

सचिव आदिम जाति अऊ अनुसूचित जाति विकास श्री डी.डी.सिंह ह बताइस कि विभाग कोति ले आदिवासी नृत्य कलाकार मन ल चार अलग-अलग विधा फसल कटाई, पारम्परिक तिहार, विवाह, मेला मड़ाई म राज्य के क्षेत्रीय अऊ स्थानीय स्तर के आदिवासी मन के नृत्य प्रतिभा के पहिचान अऊ अवसर प्रदान करत विकास खण्ड, जिला अऊ संभाग स्तर म उत्कृष्ट कलाकार मन के चयन बर प्रतियोगिता के आयोजन करे जा चुके हे।

डॉ. टेकाम ह राज्य स्तरीय शहीद वीर नारायण सिंह स्मृति लोक कला महोत्सव म प्रदेश के बस्तर, सरगुजा, बिलासपुर, रायपुर अऊ दुर्ग संभाग ले आए भाग लेवइया कलाकार मन ल शानदार कार्निवाल परेड बर बधाई दीन। कार्निवाल परेड म संभाग ले आए कलाकार मन ह पारम्परिक वेशभूषा म वाद्ययंत्र मन के संग कला के प्रस्तुति दीन। डॉ टेकाम ह कलाकार मन ले परिचय प्राप्त करत पारम्परिक वेशभूषा के संग मांदर म थाप देके थिरकिन, तोड़ी बजाईन अऊ तीर कमान चलाके उत्साह वर्धन करिन। उमन नर्तक दल मन के प्रस्तुतिकरण ल घलोक देखिन।

प्रतियोगिता म कई ठन दल मन कोति ले सरहुल नृत्य ले लेके करमा जइसे प्रसिद्ध नृत्य प्रस्तुत करे के संगेच फसल कटाई, विवाह अऊ कई ठन पर्व ले संबंधित नृत्य मन के भाग लेवइया दल मन कोति ले प्रस्तुतिकरण करे गीस। ये बेरा म संभाग आयुक्त रायपुर श्री जी.आर.चुरेन्द्र, संचालक आदिम जाति अऊ अनुसूचित जाति विकास श्री मुकेश कुमार बंसल, आयुक्त एन.आर.डी.ए. श्री नीलम एक्का संग विभाग के अधिकारी, भाग लेवइया दल मन के सदस्य अऊ दर्शक उपस्थित रहिन।

लउछरहा..