जशपुरनगर, जशपुर कलेक्टोरेट स्थित लोक सेवा केन्द्र ले मात्र तीन दिन के भीतर आय, जाति अउ निवास प्रमाण-पत्र मिल जाय ले आकांक्षा कुजूर न सिरिफ अच्छा स्कूल म दाखिला पा सकही भलुक ओला छात्रवृत्ति के लाभ घलोक मिलही। ये संभव हो सके हे, लोक सेवा गारंटी अधिनियम ले। ए अधिनियम के कड़ाई ले समय-सीमा म पालन सुनिश्चित करे के छत्तीसगढ़ शासन के निर्देश के लाभ जनसामान्य ल सहजता ले मिले लगे हे।
आकांक्षा पिता श्री कुलदीप कुजूर अउ ओखर माता फिरदा कुजूर ह बिना कोनो भटकाव के मात्र तीन दिन के भीतर अपन बेटी आकांक्षा के प्रमाण-पत्र बन जाय म प्रसन्नता जतात कहिन कि ओ मन ल ए बात के उम्मीद नइ रहिस कि अतका सहजता ले काम हो जाही। आवेदन दे के तीसर दिन मोबाईल म प्रमाण-पत्र बन जाय के सूचना मिले म वो कलेक्टोरेट स्थित सेवा केन्द्र पहुंचिन अऊ प्रमाण-पत्र हासिल करिन। श्री कुलदीप कुजूर ह बताइस कि वो गांव पतराटोली के असली निवासी हे। अभी हाल म रोजी मजदूरी करे बर कुटुंब सहित जशपुर नगर स्थित करबलारोड म रहिथे। उंखर बेटी आकांक्षा के दाखिला जशपुर नगर के शान्ति भवन स्कूल म कराए बर आय, जाति, निवास प्रमाण-पत्र के जरूरत रहिस।
