युवा मन ह अभिनय ले जगाइन देशभक्ति के जज्बा : युवा महोत्सव म होइस कई एकांकी नाटक मन के मंचन

रायपुर, देश के सेवा बर सरहद म मर मिटइया अमर शहीद मन के बहादुरी के मंचन करके युवा मन ह दर्शक मन ल भाव-विभोर करके देशभक्ति के जज्बा जगाइन। ये छोटे नाटिका म उग्रवादी मन जाति, धर्म, बोली-भाषा अऊ क्षेत्र के नाम म देश ल नुकसान पहुंचइया के खिलाफ सर्तक रहे के संदेश रहिस। युवा महोत्सव म कोरबा जिला के युवा मन ह एकांकी नाटक म देश के सुरक्षा बर सैनिक मन ल सरहद म भेजते खानी बूढ़ी मां, नव विवाहिता अऊ बहिनी कोति ले अद्यम्य साहस के जीवंत प्रस्तुति दीन। ये नाटक म सैनिक मन ल सरहद म ओ मन ल बिदा करना अऊ दुश्मन मन ले लड़त-लड़त शहीद हो जाय म ऊंखर कोति ले फर्ज अदा करे के दृश्य ह दर्शक मन ल भावुक कर दीस। देश भक्ति ले परिपूर्ण ये नाटक ह दर्शक मन के खूब ताली सकेलिस।

बालोद जिला के युवति मन ह राम लीला के मंचन करिन अऊ मर्यादा पुरूषोत्तम श्री राम कोति ले सीता हरण म ऊंखर विलाप के मार्मिक चित्रण प्रस्तुत करिन। युवति मन ह आर्कषक साज-सज्जा अऊ तीर, धनुष, गदा, तलवार के संग राम, लक्ष्मण, हनुमान, बाली, सुग्रीव, कुम्भकरण अऊ रावण के बेहतरीन अभिनय करके दर्शक मन ल मंत्र मुग्ध कर दीन। पंडित रविशंकर शुक्ल विश्वविद्यालय के प्रेक्षा गृह म रायगढ़, कोण्डागांव अऊ राजनांदगांव जिला के युवा कलाकार मन कोति ले प्रस्तुत एकांकी नाटक म युवा मन ह अहंकार ल त्यागके खुद ल चिन्‍हें अउर मोक्ष प्राप्ति के जीवंत प्रस्तुति दीन। नारी सशक्तिकरण, बालिका शिक्षा, अंध-विश्वास, नशा मुक्ति, वृक्षा रोपण, हरे भरे वृक्ष मन के सुरक्षा, जल स्त्रोत-हैंड पंप, कुंआ, तालाब, नदी-नाला मन के तीर-तखार म स्वच्छता बनाए रखे, शौचालय मन के उपयोग करे के संग सामाजिक चेतना उपर नाटक प्रस्तुत करिन। युवा कलाकार मन ह पशु धन विकास, कम्पोस्ट खाद निर्माण अऊ बाड़ी विकास के तहत उद्यानिकी फसल मन के पैदावार बढ़ाके गांव वाले मन के आय बढ़ाए जइसन विषय मन म बेहतरीन नाटक प्रस्तुत करिन।

लउछरहा..