मतदाता जागरूकता कार्यक्रम : ईवीएम मशीन मन के प्रदर्शनी अऊ मतदान के शपथ

खैरागढ़ के व्यवहार न्यायालय म न्यायाधीश मन के संग वकील मन ह घलोक लीन शपथ

राजनांदगांव, जिला म स्वीप कार्यक्रम के अंतर्गत मतदाता जागरूकता बर ईवीएम मशीन के प्रदर्शनी अऊ मतदान के शपथ के अभियान अऊ तेज होत जात हे। आज जिला के कई ठन जघा मन म ईवीएम मशीन मन के प्रदर्शनी लगाये गीस। बहुत अकन शासकीय अऊ अशासकीय संस्था मन म मनखे मन ह मतदान के शपथ लीन। खैरागढ़ के व्यवहार न्यायालय म न्यायाधीश मन के संग वकील अऊ आन अधिकारी-कर्मचारी मन ह घलोक मतदान के शपथ लीन। व्यवहार न्यायालय म ईवीएम मशीन के प्रदर्शनी घलोक लगाये गीस। एखर अलावा राजनांदगांव के मोखला, भेड़ीकला, जंगलेश्वर, खैरा, रवेली के संगें-संग राजनांदगांव के भारत माता चौक, पोस्ट ऑफिस चौक, रेल्वे स्टेशन चौक, ईमाम चौक म ईवीएम मशीन सेट के प्रदर्शनी लगाके अधिकारी-कर्मचारी मन ह आम मनखे मन ल मशीन के कार्यप्रणाली के बारे म बताइन। मनखे मन ह ईवीएम मशीन म बटन दबाके समझिन।

लउछरहा..