- मुख्यमंत्री के निर्देश म संस्कृति विभाग कोति ले पहिली देहे गे रहिस 25 हजार रुपिया के आर्थिक सहायता
- सुश्री रमा दत्त जोशी ह मुख्यमंत्री के प्रति आभार प्रकट करिस
रायपुर, लोक गायिका सुश्री रमादत्त जोशी ल इलाज अऊ मकान क्षतिपूर्ति बर मुख्यमंत्री श्री भूपेश बघेल ह स्वेच्छानुदान ले एक लाख रूपिया के राशि स्वीकृत करे हें, जेखर चेक सुश्री जोशी ल आज देहे गीस। एखर अलावा मुख्यमंत्री के निर्देश म संस्कृति विभाग कोति ले कलाकार कल्याण कोष ले सुश्री रमादत्त जोशी ल 25 हजार रूपिया के आर्थिक सहायता (subvention) बीते 17 जुलाई के दिन दिहे गए रहिस।
लोक गायिका सुश्री रमादत्त जोशी ह आर्थिक सहायता मिले म मुख्यमंत्री श्री भूपेश बघेल के प्रति आभार प्रकट करे हें। सुश्री जोशी ह कहिन मुख्यमंत्री ह आर्थिक सहायता प्रदान करके कलाकार मन के प्रति अपन गहिर संवेदना व्यक्त करे हें। छत्तीसगढ़ के कलाकार भविष्य म घलोक आप मन के ये संवेदनशीलता ले लाभान्वित होहीं। जोशी बहिनी मन एखर बर आभार व्यक्त करे हें।
हम आप ल बता देवन के पहिली समाचार आए रहिस के सुश्री रमादत्त जोशी ल मुख्यमंत्री के कहे के बाद घलव एक लाख के बल्दा दो हजार रूपिया देहे गए रहिस। अब सुश्री रमादत्त जोशी ल एक लाख के चेक मिल गए हे अउ सुश्री रमादत्त जोशी ह चेक के संग फोटू तको खिंचवाए हें।
