रायपुर, मुख्यमंत्री श्री भूपेश बघेल ह आज पूर्व केंद्रीय मंत्री स्वर्गीय श्री विद्याचरण शुक्ल ल उंखर पुण्यतिथि के अवसर म विनम्र श्रद्धांजलि अर्पित करिन। श्री बघेल आज बिहनिया इहां लाभांडी स्थित राधेश्याम भवन पहुंचिन अऊ उहां स्वर्गीय श्री विद्याचरण शुक्ल के समाधि म अउ ऊंखर फोटू म पुष्पांजलि अर्पित करिन। ए अवसर म आयोजित श्रद्धांजलि सभा म 2 मिनट के मौन रखके स्वर्गीय श्री शुक्ल ल श्रद्धांजलि अर्पित करे गइस।
श्रद्धांजलि सभा म राजस्व मंत्री श्री जयसिंह अग्रवाल, विधायक सर्वश्री सत्यनारायण शर्मा, धनेंद्र साहू, विकास उपाध्याय, श्रीमती अनिता शर्मा, रायपुर नगर निगम के महापौर श्री प्रमोद दुबे संग बहुत अकन जनप्रतिनिधि अऊ प्रबुद्ध नागरिक बड़ संख्या म उपस्थित रहिन।
