सिख समाज ह मुख्यमंत्री ल सरोपा भेंट करके करिस स्वागत
रायपुर, मुख्यमंत्री श्री भूपेश बघेल आज इहां राजधानी रायपुर के खालसा स्कूल म आयोजित गुरुनानक देव जी के 550वां प्रकाश पर्व म सामिल होइन। उमन गुरू ग्रन्थ साहिब म मत्था टेकिन अऊ प्रदेशवासी मन के सुख-समृद्धि के कामना करिन। मुख्यमंत्री ह उपस्थित मनखे मन ल प्रकाश पर्व के बधाई अऊ शुभकामना दीन।
मुख्यमंत्री ह कार्यक्रम ल संबोधित करत कहिन कि गुरुनानक देव महान संत रहिन जेमन जीवन जीए के कला सिखाईन। उमन प्रेम, सदाचार, भाईचारा अऊ समानता के संदेश दीन। मुख्यमंत्री ह गुरुनानक देव के जीवन ले जुड़े प्रसंग के उल्लेख करत कहिन कि गुरुनानक देव जी ह जऊन खरा सौदा करिन उही आज लंगर के रूप म प्रसिद्ध हे।
मुख्यमंत्री ह सिख समाज के प्रशंसा करत कहिन कि सिख समाज के पहिचान एक जिंदा दिल कौम के रूप म हे। हर हालत म कइसे खुश रहे जा सकत हे ये बात उंखर ले सीखे जा सकत हे। ये बेरा म गुरूदारा प्रमुख श्री दिलीप सिंह होरा, विधायक श्री कुलदीप जुनेजा, श्री कृपाल सिंह होरा, श्री निरंजन सिंह खनूजा, श्री इन्द्रजीत सिंह छावड़ा अऊ प्रबंधन समिति के पदाधिकारी मन ह मुख्यमंत्री के शॉल, श्रीफल अऊ सरोपा भेंट करके स्वागत करिन।
ये समाचार ल आप हिन्दी म ये कड़ी ले पढ़ सकत हव.
