मुख्यमंत्री के अध्यक्षता म होइस योजना आयोग के बैठक

रायपुर, मुख्यमंत्री अऊ छत्तीसगढ़ राज्य योजना आयोग के अध्यक्ष श्री भूपेश बघेल के अध्यक्षता म आज योजना भवन सभाकक्ष म आयोग के अधिकारी मन के बैठक आयोजित करे गीस। बैठक म डॉ.जे.एस. विरदी सदस्य सचिव राज्य योजना आयोग कोति ले आयोग के दायित्व मन व पाछू बछर मन म करे गए काम मन के संबंध म जानकारी दिए गीस। उमन नीति आयोग के निर्माण के बाद राज्य योजना आयोग के भूमिका म बदलाव अऊ पाछू बछर मन म आयोग कोति ले कराए जात विशिष्ट अध्ययन के विसय म जानकारी दीन।

आयोग के सदस्य डॉ.के. सुब्रमणियम ह राज्य के विकास बर विशिष्ट रणनीतिक क्षेत्र मन के जानकारी प्रदान करिन जेमां राज्य म खाद्य प्रसंस्करण उद्योग मन के विकास, आजीविका के अवसर मन के पहिचान व प्रदेश के पर्यटन उद्योग के विकास आदि के महत्व ल रेखांकित करिन। उमन वॉटर हार्वेस्टिंग, प्रदेश के बंजर जमीन म कृषि विकास ल सरकार के महत्वाकांक्षी योजना ’नरवा, गरवा, घुरूवा, बाड़ी’ के सफलता बर जरूरत के विश्लेषण करिन। संगेच विकास बर परंपरागत सोच ले अलग विचार ल महत्व देहे, निजी क्षेत्र के विशेषज्ञता ले विकास योजना निर्माण अऊ औद्योगिक न्यायाधिकरण के विस्तार के घलोक उल्लेख करिन। बैठक के बाद मुख्यमंत्री के सलाहकार श्री प्रदीप शर्मा ह धन्यवाद ज्ञापित करिन।