विकास खण्ड शिक्षा अधिकारी मन के स्थानांतरण उच्च न्यायालय के आदेश म रुकिस

मुंगेली ले संवाददाता दिलीप बसंत, मुंगेली रहइया श्री आर के अंचल पहिली जइसे तखतपुर के अउ श्री पी एस बेदी बिल्हा के विकास खंड शिक्षा अधिकारी (बीइओ) बने रइहीं। येखर बर छत्तीसगढ़ शासन स्कूल शिक्षा विभाग, मंत्रालय, नवा रायपुर ले आदेश जारी करे गे हावय। पहिली कई बीइओ साहब मन के ट्रांसफर करके नियम विरूद्ध स्कूल के प्राचार्य बना देहे गए रहिस। स्कुल के प्राचार्य ला एमन के जगा म बीइओ बनाए गए रहिस।
अपन ट्रांसफर के विरुद्ध ये अधिकारी मन उच्च न्यायालय म याचिका लगाए रहिन, उच्च न्यायालय ह ये मामला ल नियम विरुद्ध मानिस अउ एमा रोक लगात आदेश पारित करिस। एकर मुताबिक राज्य शासन ह अधिकारी मन के अभ्यावेदन के तहत पहिली के आदेश ल निरस्त करके यथावत श्री आर के अंचल ला तखतपुर के अउ श्री पी एस बेदी ला बिल्हा के विकास खण्ड शिक्षा अधिकारी बने रहे के आदेश जारी करे हावय।

 

लउछरहा..