मुंगेली, स्वामी विवेकानंद जी के जयंती के अवसर म राज्य शासन के निर्देशानुसार जिला के युवा मन ल विशेष अवसर अउ मंच प्रदान करे, सांस्कृतिक गतिविधि मन ले युवा मन ल जोड़े अउ उंखर प्रतिभा ल निखारे के उद्देश्य ले मुंगेली जिला म घलोक 29 नवम्बर के जिला स्तरीय युवा महोत्सव के आयोजन करे गीस। जिला स्तरीय युवा महोत्सव के आयोजन शहीद वीर धनंजय सिंह स्टेडियम म करे गीस। जिला स्तरीय युवा महोत्सव म जिला के सबो विकासखण्ड ले चुने गए भाग लेवइया सामिल होइन अऊ उमन अपन कला के उत्कृष्ठ प्रदर्शन करिन। कलेक्टर डॉ. सर्वेश्वर नरेंद्र भुरे ह जिला स्तरीय युवा महोत्सव म विजयी भाग लेवईया मन ल शील्ड अऊ प्रमाण पत्र प्रदान करके सम्मानित करिन अऊ ऊंखर उज्जवल भविष्य के कामना करिन।
जिला स्तरीय युवा महोत्सव म छत्तीसगढ़ के पारंपरिक खेल उपर आधारित फुगड़ी प्रतियोगिता म विकासखण्ड पथरिया के कु. लक्ष्मी गंधर्व ह पहिली, विकासखण्ड लोरमी के कु. सशील ह दूसर, पुरूष वर्ग भौंरा म विकासखण्ड पथरिया के श्री राजेश्वर ह पहिली, लोरमी के प्रमोद राजपूत ह दूसर, महिला वर्ग भौंरा म कु. सरिता राजपूत ह पहिली, पुरूष वर्ग गेंड़ी प्रतियोगिता म पथरिया विकासखण्ड के श्री राकेश ध्रुव ह पहिली, विकासखण्ड लोरमी के खिलेश्वर राजपूत ल दूसर, महिला वर्ग गेड़ी प्रतियोगिता म पथरिया के कु. माधुरी ह पहिली, लोरमी विकासखण्ड के कु. शिवानी निषाद ह दूसर, महिला वर्ग कबड्डी म विकासखण्ड पथरिया ह पहिली अऊ दूसर, पुरूष वर्ग खो-खो प्रतियोगिता म विकासखण्ड मुंगेली के सरस्वती शिशु मंदिर मुंगेली ह पहिली, पथरिया ह दूसर, महिला वर्ग खो-खो प्रतियोगिता म पथरिया ह पहिली अऊ दूसर स्थान प्राप्त करिन। अइसनहे क्वीज प्रतियोगिता म विकासखण्ड लोरमी के श्री अजय तिवारी ह पहिली, विकासखण्ड मुंगेली के श्री कोमल साहू ह दूसर, वाद-विवाद प्रतियोगिता म विकासखण्ड मुंगेली के श्री सूरज शर्मा ह पहिली, पथरिया विकासखण्ड के प्रांशु तिवारी ह दूसर, तात्कालिका भाषण म मुंगेली विकासखण्ड के सूरज शर्मा ह पहिली, पथरिया विकासखण्ड के कु. बहुरा राजपूत ह दूसर, निबंध प्रतियोगिता म मुंगेली विकासखण्ड के गिरीश गोगिया ह पहिली, पथरिया विकासखण्ड के भरत ह दूसर, चित्रकला प्रतियोगिता म मुंगेली विकासखण्ड के कु. यशस्वी खुसरो ह पहिली अउ पथरिया विकासखण्ड के कु. सुरेखा राजपूत ह दूसर स्थान प्राप्त करिस। जमो विजेता मन ल मुंगेली कलेक्टर डॉ. भुरे ह शील्ड अऊ प्रमाण पत्र प्रदान करके सम्मानित करिन।
अइसनहे जिला स्तरीय युवा महोत्सव म विकासखण्ड स्तर म चुने गे युवा मन कोति ले लोक गीत, लोक नृत्य, सुआ नृत्य, कर्मा नृत्य, राउत नाचा, पंथी अऊ एकांकी विधा मन के शानदान अऊ मनमोहक प्रस्तुति दिए गीस। जऊन ल सबो दर्शक मन ह अड़बड़ सहराईन। लोकगीत म विकासखण्ड मुंगेली के श्री सूर्यकांत कुर्रे अउ साथी ल पहिली, विकासखण्ड पथरिया के लक्ष्मी श्रीवास अउ साथी ल दूसर, राउत नाचा म विकासखण्ड लोरमी के आरती अउ साथी ल पहिली, विकासखण्ड पथरिया के श्रवण कुमार अउ साथी ल दूसर, एकांकी प्रतियोगिता म विकासखण्ड पथरिया के श्री मोहिन्दर वर्मा अउ साथी ल पहिली, विकासखण्ड लोरमी के साधना गंधर्व व साथी ल दूसर, सुआ नृत्य म विकासखण्ड पथरिया के शिवकुमारी अउ साथी ल पहिली, विकासखण्ड मुंगेली के जमुना बाई व साथी ल दूसर, पंथी नृत्य म विकासखण्ड पथरिया के श्री लक्ष्मीकांत जडेजा अउ साथी ल पहिली, विकासखण्ड मुंगेली के श्री रूपेश कुमार व साथी ल दूसर, कर्मा नृत्य म विकासखण्ड लोरमी के श्री राजेंद्र कैवर्त्य अऊ साथी ल पहिली, विकासखण्ड पथरिया के श्री विक्की अऊ साथी ल दूसर अऊ लोकनृत्य म विकासखण्ड लोरमी के श्री सूरज व साथी ल पहिली अऊ विकासखण्ड मुंगेली के श्री मोतीराम व साथी ल दूसर स्थान प्राप्त होइस। कलेक्टर डॉ. भुरे ह विजयी भाग लेवईया मन ल शील्ड अऊ प्रशस्ति पत्र प्रदान करके वो मन ल प्रोत्साहित करिन। ये बेरा म जिला पंचायत अध्यक्ष श्रीमती कृष्णा बघेल, जिला के पुलिस अधीक्षक श्री सीडी टंडन, अपर कलेक्टर श्री राजेश नशीने, जिला पंचायत के मुख्य कार्यपालन अधिकारी श्री एचके शर्मा, जिला शिक्षा अधिकारी श्री जीपी भारद्वाज, जिला पंचायत के परियोजना अधिकारी श्री हरप्रीत सिंह हूरा संग कई ठन विभाग मन के अधिकारी, प्रतिभागीगण, प्रिंट अउ इलेक्ट्रानिक मीडिया के प्रतिनिधि अऊ बड़ संख्या म नगरवासी उपस्थित रहिन।
