रायगढ़, जल संरक्षण अउ संवर्धन के नरवा योजना के तहत रायगढ़ जिला के धरमजयगढ़ विकासखण्ड के बायसी ग्राम म डबरी निर्माण, बरमकेला विकासखण्ड के दुलोपाली म चेकडेम, परसानाला म बुलडोजर चेक डेम के काम पूरा हो गे हे। मनरेगा ले ग्राम पंचायत मन म किसान मन बर नरवा के उन्नयन काम करवाये जात हे। अवइया समय म एखर ले खेती-किसानी अउ पेयजल, निस्तारी जइसे काम मन बर पानी के उपलब्धता ग्रामीण क्षेत्र मन म बने रहय।
जिला पंचायत के मुख्य कार्यपालन अधिकारी श्रीमती चंदन संजय त्रिपाठी ह बताइस कि जिला म जल संरक्षण अउ संवर्धन बर डबरी निर्माण, नाला बंधान, तालाब गहरीकरण, चेकडेम, कुआं गहरीकरण के काम प्राथमिकता ले करे जात हे।
