नरवा योजना : पुरकेला के खेत मन ल मिले लगिस भरपूर पानी

रायपुर, राज्य सरकार के चार महत्वपूर्ण योजना मन म ले नरवा योजना ले सरगुजा जिला के लुण्ड्रा जनपद के पुरकेला गांव के खेत मन ल भरपूर पानी मिले लगे हे। इही भर नहीं गांव के निवासी मन ल निस्तारी के घलोक सुविधा मिले हे। पुरकेला गांव म बनाय गे आदर्श गौठान तीर के नरवा म मिट्टी ले बंधान बनाय गए हे। बंधान बन जाय ले नरवा म ये साल भारी मात्रा म पानी सकलाए हे। पुरकेला के 25-30 किसान पम्प लगाके नरवा के पानी ले अपन खेत मन म फसल मन के अपासी करत हे। एखर अलावा गांव वाले मन ल निस्तारी के सुविधा घलोक मिल गए हे। नरवा म निस्तारी के संगेच अपन पशु मन ल पानी पिलाए अऊ धोए के संगेच आन काम बर घलोक उपयोग करत हें।