मां बम्लेश्‍वरी महिला समूह ल मिलीस सवारी वाहन के सौगात

नारायणपुर, 28 जून 2018। नारायणपुर के कलेक्टर श्री टोपेश्वर वर्मा अऊ मुख्य कार्यपालन अधिकारी जिला पंचायत अशोक चौबे ह पाछू बुधवार के संझा मां बम्लेश्‍वरी महिला स्व सहायता समूह के अध्यक्ष श्रीमती बिमला बाई ल सवारी वाहन के चॉबी अऊ कागज सौंपिन। ये वाहन राष्ट्रीय ग्रामीण आजीविका मिशन के तहत प्रदान करे गीस। ये वाहन खनिज न्यास निधि के संग केन्द्रीय मद ले प्राप्त राशि ले महिला मन ल देहे गीस। कलेक्टर श्री वर्मा ह कहिन कि वाहन आए ले महिला समूह मन के ताकत बाढ़ही अऊ ओ मन अपन समूह के काम-काज बेहतर अऊ कम समय म पूरा कर सकहीं। एखरे संगेच समूह के आमदनी म इजाफा होही अऊ उंखर आर्थिक स्थिति मजबूत होही। कलेक्टर श्री वर्मा ह मां बम्लेश्‍वरी महिला स्व सहायता समूह के अध्यक्ष श्रीमती बिमला बाई ल कड़ा मेहनत करके आगू बढ़े के समझाईस अउ शुभकामना दीन।
अधिकारी मन ह बताइन कि आजीविका वाहन चालन-परिचालन महिला मन कोति ले ही करे जाही। ए अवसर म एसडीएम श्री दिनेश कुमार नाग, डिप्टी कलेक्टर सर्वश्री एसएन बाजपेयी, भूपेन्द्र साहू के अलावा आजीविक मिशन के प्रभारी, एपीओ जिला पंचायत श्री ए.के. बागची के अलावा आन अधिकारी-कर्मचारी उपस्थित रहिन।


(adsbygoogle = window.adsbygoogle || []).push({});

लउछरहा..