दुर्ग, राष्ट्रीय विधिक सेवा प्राधिकरण नई दिल्ली के निर्देशानुसार अउ राज्य विधिक सेवा प्राधिकरण बिलासपुर के मार्गदर्शन म आज 14 दिसम्बर 2019 के जिला न्यायालय अउ तहसील न्यायालय म नेशनल लोक अदालत के आयोजन करे गीस।
जिला अउ सत्र न्यायाधीश अउ जिला विधिक सेवा प्राधिकरण दुर्ग के अध्यक्ष श्री जीके मिश्रा ह आज जिला न्यायालय दुर्ग म नेशनल लोक अदालत के शुभारंभ करिस। ये बेरा म न्यायाधीशगण, अधिवक्ता संघ दुर्ग के अध्यक्ष श्री गुलाब सिंह पटेल अउ सचिव श्री रविशंकर सिंह, लीड बैक, बैंक के प्रबंधक, विद्युत विभाग के अधिकारी उपस्थित रहिन।
जिला विधिक सेवा प्राधिकरण दुर्ग के सचिव श्री राहुल शर्मा ह बताइस कि नेशनल लोक अदालत बर 43 खण्डपीठ के गठन करे गीस। नेशनल लोक अदालत म 855 न्यायालयीन प्रकरण निराकृत होइस। जेमा ले 554 दांडिक प्रकरण, 35 विद्युत के प्रकरण, क्लेम के 57 प्रकरण, 47 पारिवारिक मामला, 130 चेक अनादरण मामला, 23 आन सिविल मामला, श्रम न्यायालय दुर्ग के 3 प्रकरण, स्थायी लोक अदालत जनोपयोगी सेवा के 6 प्रकरण सामिल हे। एखर अलावा विद्युत, बैंकिंग अउ नगर निगम के कुल 93 प्री-लिटिगेशन (पूर्व वाद) प्रकरण लोक अदालत के माध्यम ले निराकृत करे गीस।
