रायपुर, मुख्यमंत्री श्री भूपेश बघेल ह छत्तीसगढ़ म पहली पइत आयोजित होत राष्ट्रीय आदिवासी नृत्य महोत्सव म देश के आन राज्य मन के मुख्यमंत्री मन अऊ मंत्री मन ल निमंत्रण देहे बर प्रदेश के मंत्री मन अऊ विधायक मन ल जिम्मेदारी सौंपे हे। गृह मंत्री श्री ताम्रध्वज साहू ह मंगलवार के ओडिशा के भुवनेश्वर म उहां के मुख्यमंत्री श्री नवीन पटनायक ले मुलाकात करके छत्तीसगढ़ म 27 दिसम्बर ले शुरू होवत राष्ट्रीय आदिवासी महोत्सव म आए के नेवता दीन। गृह मंत्री श्री साहू ह मुख्यमंत्री श्री पटनायक ले ओडिशा के लोक कलाकार मन ल नृत्य महोत्सव म सामिल होए बर छत्तीसगढ़ भेजे के आग्रह करिन।
श्री ताम्रध्वज साहू ह ओडिशा के मुख्यमंत्री ल राष्ट्रीय आदिवासी नृत्य महोत्सव म आए के दीन नेवता
