लुण्ड्रा म आयोजित युवा महोत्सव म गेडी नृत्य ह करिस दर्शक मन ल रोमांचित
अम्बिकापुर, मुख्यमंत्री श्री भूपेश बघेल के कहे के मुताबिक छत्तीसगढ़ के परंपरा, संस्कृति ल बढ़ावा देहे अऊ युवा मन के प्रतिभा ल आगू लाय बर यूथ फेस्टिवल 2019 के आयोजन करे जात हे। इही कड़ी म आज लुण्ड्रा विकासखण्ड के सामुदायिक भवन मैदान म विकासखण्ड स्तरीय युवा महोत्सव के आयोजन लुण्ड्रा विधायक डॉ. प्रीतम राम के मुख्य आतिथ्य म करे गीस। महोत्सव म क्षेत्र के 100 ले जादा युवा मन ह कई ठन विधा मन म उत्साह अऊ उमंग के संग हिस्सा लीन अऊ प्रतिभा के प्रदर्शन करिन। महोत्सव म युवा मन ह आकर्षक गेडी नृत्य करके दर्शक मन ल रोमांचित कर दीन। एखरे संगेच करमा, शैला नृत्य ह घलोक दर्शक मन के मन मोहिस। अतिथि मन कोति ले पहिली स्थान प्राप्त करइया, भाग लेवईया मन ल प्रमाण पत्र व शील्ड प्रदान करे गीस।
