मुख्य निर्वाचन पदाधिकारी ह रायगढ़ अउ जशपुर लोकसभा निर्वाचन तैयारी के करिस समीक्षा

मतदान काम म लगे अधिकारी-कर्मचारी मन ल ईडीसी अउ सुरक्षा कर्मचारी मन ल डाकमत पत्र जारी करे के दीन निर्देश

रायपुर, छत्तीसगढ़ के मुख्य निर्वाचन पदाधिकारी श्री सुब्रत साहू ह आज कलेक्ट्रेट सभाकक्ष म लोकसभा निर्वाचन 2019 के शांतिपूर्ण संचालन बर रायगढ़ अउ जशपुर जिला प्रशासन के अधिकारी मन के संयुक्त बैठक लेके जरूरी दिशा-निर्देश दीन। उमन रायगढ़ कलेक्टर अउ जिला निर्वाचन अधिकारी श्री यशवंत कुमार अउ जशपुर कलेक्टर अउ जिला निर्वाचन अधिकारी श्री नीलेश कुमार महादेव क्षीरसागर ले मतदान के तैयारी के संबंध म विस्तार ले जानकारी लीन। उमन कंट्रोल रूम म मतदान दिवस के दिन अधिकारी मन के ड्यूटी लगाके मतदान के संबंध म जानकारी राज्य निर्वाचन कार्यालय ल देहे बर निर्देश दीन। रायगढ़ कलेक्टर अउ जशपुर कलेक्टर ह अपन-अपन जिला के अंतर्गत अवइया मतदान केन्द्र मन के तइयारी के बारे म बताइन कि ईव्हीएम, व्हीव्हीपेट, सीयू, बीयू के कमीशनिंग पूरा कर लेहे गए हे।




मुख्य निर्वाचन पदाधिकारी श्री सुब्रत साहू ह मतदान केन्द्र मन म बुनियादी सुविधा के उपलब्धता के निर्देश दीन ताकि मनखे सुगमता ले अपन मताधिकार के उपयोग कर सकंय। उमन एमसीसी, एमसीएमसी, सी-विजिल्स, से टॉप्स, सुगम, स्ट्रांग रूम म सुरक्षा के बारे म घलोक जानकारी लेत स्ट्रांग रूम म सुरक्षा के दृष्टिकोण ले सीसीटीवी कैमरा ले निगरानी रखे के घलोक निर्देश दीन। मतगणना परिसर म अइसन जगा मन म सीसीटीवी कैमरा लगाए ल कहिन जिहां ले स्ट्रांग रूम के गतिविधि मन परखर रूप ले दिखय। मुख्य निर्वाचन पदाधिकारी श्री साहू ह रिजर्व ईव्हीएम मशीन ल सुरक्षित रखे के संबंध म अधिकारी मन ल जरूरी व्यवस्था सुनिश्चित करे बर कहिन। उमन रायगढ़ एसपी श्री राजेश कुमार अग्रवाल अउ जशपुर एसपी श्री शंकर लाल बघेल ले मतदान केन्द्र मन के सुरक्षा के बारे म जानकारी लीन अऊ केन्द्र मन म सुरक्षा के जम्‍मो सुविधा बनाए रखे के निर्देश दीन।




लउछरहा..