रायपुर, मुख्यमंत्री श्री भूपेश बघेल ह मुंगेली जिला के लोरमी विकासखण्ड के ग्राम फुलवारी निवासी युवा श्री नितेश साहू के नेशनल यूथ अवार्ड बर चयन होए म ओ मन ल बधाई अऊ शुभकामना दीए हें। श्री नितेश साहू ल भारत सरकार के युवा कार्यक्रम अऊ खेल मंत्रालय कोति ले राष्ट्र निर्माण अऊ सामुदायिक विकास के क्षेत्र म महत्वपूर्ण योगदान बर ये पुरस्कार म 50 हजार रूपिया नगद, प्रशस्ति पत्र अऊ मेडल प्रदान करके सम्मानित करे जाही।
इहां बताना जरूरी हे कि छत्तीसगढ़ सरकार कोति ले ग्रामीण अर्थव्यवस्था ल अऊ जादा मजबूत करे बर नरवा, गरूवा, घुरवा, बाड़ी योजना चालू करे गए हे। घुरवा निर्माण ये योजना के एक महत्वपूर्ण अंग हे। घुरवा के निर्माण ले कम्पोस्ट अऊ जैविक खाद बनाए के संगें-संग पर्यावरण ल साफ-सुथरा बनाए म घलोक मदद मिलही। श्री नितेश साहू ह साल 2017 ले ही अपन गांव अऊ तीर-तखार के गांव मन के रहवईया मन ल जादा ले जादा संख्या म घुरवा बनाए बर प्रोत्साहित करे हे। श्री साहू ह ये संबंध म एक शोध पत्र घलोक तियार करे हे।
