रायपुर, मुख्यमंत्री श्री भूपेश बघेल ह आज इहां अपन निवास म आयोजित जनचौपाल भेंट-मुलाकात कार्यक्रम म भाटापारा के खम्हरिया ग्राम के श्री नितेश मलहरे ल श्रवण यंत्र प्रदान करिस। इहां ये बताना जरूरी हे कि नितेश के श्रवण शक्ति के क्षमता मात्र दस प्रतिशत हे। इलाज के समय ऊंखर परिजन मन ल चिकित्सक मन ह श्रवण यंत्र लगाय के सलाह दीन। नितेश के पिता श्री हरिराम मलहरे मजदूरी के काम करथे अऊ आर्थिक रूप ले कमजोर अऊ असमर्थ हे। श्री मलहरे ह बताइस कि एक कान म मशीन लगाय बर करीब 29 हजार रूपिया अऊ दुनों कान म मशीन के कीमत करीब 58 हजार रूपिया हे। मुख्यमंत्री श्री भूपेश बघेल ह नितेश मलहरे ल श्रवण यंत्र प्रदान करके ओखर उज्जवल भविष्य के कामना करिन। नितेश के पिता श्री हरि राम मलहरे ह मुख्यमंत्री श्री भूपेश बघेल अऊ उंखर ये सहृदयता के प्रति आभार व्यक्त करिस।
इस समाचार को आप हिन्दी में इस कड़ी से पढ़ सकते हैं.
