राष्ट्रीय आदिवासी नृत्य महोत्सव पुरस्कार वितरण
छत्तीसगढ़, ओडिसा, बिहार अऊ उत्तराखंड के नृतक दल मन ल कई श्रेणि मन म मिलीस पहिली पुरस्कार
रायपुर, राष्ट्रीय आदिवासी नृत्य महोत्सव म कलाकार मन ह चार श्रेणी म अपन नृत्य के प्रदर्शन करे रहिन। ये मां पहिली बिहाव अउ आन संस्कार, दूसर पारंम्परिक तिहार अउ अनुष्ठान, तीसर फसल कटाई अउ कृषि अउ आन पांरम्परिक विधा सामिल रहीस। मुख्यमंत्री श्री भूपेश बघेल ह नृत्य महोत्सव म आयोजित प्रतियोगिता के विजेता नृतक दल मन ल पुरस्कार राशि, प्रशस्ति पत्र अऊ स्मृति चिन्ह प्रदान करके ओ मन ल सम्मानित करिन।
हरेक श्रेणी बर पहिली पुरस्कार के रूप म नृतक दल ल पांच लाख रूपिया के राशि, दूसर पुरस्कार के रूप म तीन लाख रूपिया के राशि, तीसर पुरस्कार म दू लाख रूपिया अऊ सांत्वना पुरस्कार के रूप म नर्तक दल मन ल 25-25 हजार रूपिया के चेक देहे गीस।
बिहाव अउ आन संस्कार श्रेणी म पहिली पुरस्कार- गौर माड़िया छत्तीसगढ़ श्री चंदन सिंह बघेल दल ल दे गीस। ए श्रेणी म दूसर पुरस्कार डमकच झारखंड के श्री किशोर नायक दल, तीसरइया पुरस्कार (संधरा) विवाह नृत्य लद्दाख के श्री सोनम सोपेरी टीम अउ तमांग सेलो, सिक्किम सुश्री गायत्री राय के टीम ल प्रदान करे गीस। ए श्रेणी म सांत्वना पुरस्कार कयांग, हिमांचल श्री बृजलाल दल ल दे गीस।
दूसर श्रेणी पारंम्परिक त्यौहार अउ अनुष्ठान म पहिली पुरस्कार सिंगारी ओडिसा के श्री ध्यानानंद पेडा दल ल, दूसर पुरस्कार तारपा, महाराष्ट्र के श्री राजन वैद्य दल अउ तीसर पुरस्कार (संघरा) छाऊ, झारखंड श्री प्रभात महतो दल अउ कोमकोया, आंध्रप्रदेश श्री मधु ल अउ सांत्वना पुरस्कार सगोरिया, मध्यप्रदेश श्री गोविंद गहलोत ल प्रदान करे गीस।
तीसर श्रेणी फसल कटाई अउ कृषि म पहिली पुरस्कार करमा तिहार, बिहार के श्री रणधीर दल, दूसर पुरस्कार झिंझी, उत्तर प्रदेश श्री बंटी राणा दल अउ तीसर पुरस्कार (संघरा) ममीता, त्रिपुरा, श्री अशोक बर्मन टीम अउर टोडा, तमिलनाडु सुश्री असमामल्ली टीम अउ सांत्वना पुरस्कार लम्बाड़ी तेलंगाना श्री चंदू नायक दल ल दे गीस।
चउथा श्रेणी म आन पांरम्परिक विधा मन म पहिली पुरस्कार बगड़वाल उत्तराखंड श्री प्रेम हिंदवाल, दूसर पुरस्कार गद्दीराम हिमांचल के श्री प्यारेलाल अउ तीसर पुरस्कार (संघरा) राढवा गुजरात श्री राजेश राढवा अऊ डाग गुजरात श्री पवन बादल अउ सांत्वना पुरस्कार इदु, अरूणाचल के टेशी मित्री ल दे गीस।
