रायपुर, पुलिस मुख्यालय अटल नगर रायपुर म आज पुलिस अधिकारी मन कोति ले उप पुलिस महानिरीक्षक श्री डी.एल.मनहर ल सेवानिवृत्ति उपरांत भावभीनी विदाई दे गीस। श्री मनहर लगभग 32 साल के पुलिस सेवा के बाद अधिवार्षिकी आयु पूर्ण कर कल 31 मई 2019 ल सेवानिवृत्त होइन। पुलिस मुख्यालय म आज आयोजित विदाई समारोह म विशेष पुलिस महानिदेशक श्री आर.के.विज ह कहिन के श्री मनहर के पुलिस विभाग म सेवा ले पुलिस अधिकारी मन ल प्रेरणा लेना चाही। इमन एकीकृत मध्यप्रदेश के चुनौतीपूर्ण स्थान संग छत्तीसगढ़ के नक्सल प्रभावित क्षेत्र अऊ कई स्थान मन म अपन सेवा देहे हें। श्री मनहर ह अपन निष्ठा अऊ लगन ले पुलिस विभाग म सफलतम कार्यकाल व्यतीत करे हें अऊ अपन अधीनस्थ कर्मचारी मन के कल्याण के क्षेत्र म बने उदीम करे हें, इंकर सेवा ल पुलिस विभाग हमेसा सुरता रखही अऊ सेवानिवृत्ति के बाद घलोक विभाग श्री मनहर अऊ ऊंखर परिजन मन के संग रहिही।
विशेष पुलिस महानिदेशक श्री संजय पिल्ले ह कहिन के श्री मनहर अपन मृदुभाषी, सहज अऊ सरल व्यक्तित्व के संग जाने जाने वाले पुलिस अफसर के रूप म हमेसा सुरता करे जाही। कार्यक्रम म पुलिस अधिकारी मन ह स्मृति चिन्ह प्रदान करके श्री मनहर ल सम्मानित करिन। ए अवसर म अकतहा पुलिस महानिदेशक श्री पवन देव, श्री अशोक जुनेजा, पुलिस महानिरीक्षक श्री दीपांशु काबरा संग पुलिस मुख्यालय के अधिकारी कर्मचारी उपस्थित रहिन।
