सरलग धीरज अऊ उदीम ले सफलता खच्चित -उच्च शिक्षा मंत्री श्री पटेल

पीएससी म चुने गए रायगढ़ जिला के युवा मन ल करिन सम्मानित

रायगढ़, जिला प्रशासन के संग आज पालीटेक्निक ऑडिटोरियम म छत्तीसगढ़ राज्य लोक सेवा आयोग परीक्षा म रायगढ़ जिला के चुने गए प्रतिभागी मन बर सम्मान समारोह के आयोजन करे गीस। उच्‍च शिक्षा, कौशल विकास, तकनीकी शिक्षा अउ रोजगार, विज्ञान अउ प्रौद्योगिकी, खेल अउ युवा कल्याण मंत्री अउ जिला के प्रभारी मंत्री श्री उमेश पटेल ह सबो चुने गए प्रतिभावान युवा मन ल चिनहा देके सम्मानित करत अपन हार्दिक बधाई अउ शुभकामना दीन। एमां पोषक चौधरी डिप्टी कलेक्टर, श्यामा पटेल डिप्टी कलेक्टर, रूपेन्द्र पटेल डिप्टी कलेक्टर, राहुल रजक डिप्टी कलेक्टर, अमित देवांगन डीएसपी, ज्योत्सना चौधरी डीएसपी, कु.अमिता साहू सहायक परियोजना अधिकारी, शशिभूषण पटेल उद्योग प्रबंधक, रिद्धी साहू एकाउंट आफिसर, गरिमा सारथी अधीनस्थ लेखा सेवा अधिकारी, भीष्म कुमार नायब तहसीलदार सामिल रहिन। उमन अपन उद्बोधन म कहिन के जिला म युवा मन ल प्रेरित करे बर प्रतिभा सम्मान समारोह के आयोजन करे गए हे, ताकि युवा निरंतर आगू बढ़के अपन सपना साकार कर सकंय। उमन जिला प्रशासन कोति ले चलाए जात तेजस एकेडमी के सराहना करत कहिन के युवा मन ल तेजस के माध्यम ले विसय के खांटी जानकार के मार्गदर्शन म कई ठन प्रतियोगिता मन के तैयारी करवाये जात हे ताकि उनला नवा दिशा मिलय।

लउछरहा..