रैपुर म सेक्स रैकेट, छै मोटियारी संग एक गिराहिक पकड़ईस

जानबा होए हे के रतिहा म रैपुर के पंडरी इलाका म सेक्स रैकेट के भंडाफोड़ होय हे। ये मामला शंकर नगर म चलत स्पा सेंटर ले जुड़े हे। ए इलाका म चलइया चोल्ड फैमिली सलून अऊ स्पा म जब पुलिस ह छापा मारिस त ए बड़का रैकेट के भांडा फूटिस। पुलिस ह स्पा सेंटर ले पांच मोटियारी संग एक महिला दलाल अऊ एक गिराहिक युवक ल गिरफ्तार करे हे। संगेच मौका ले आपत्तिजनक समान घलोक पुलिस ह बरामद करे हे।
सिविल लाइन सीएसपी अभिषेक माहेश्वरी के बताती अब्‍बड़ दिन ले इहां गलत काम चले के सूचना मिलत रहिस त दबिश देके कारवाइ करे गइस। स्पा के बहाना म दूसर कारोबार चलत रहिस त गिरफ्तार करे गीस। जानबा हे के सबो मोटियारी टूरी मन रायपुर के रहइया आंय उकर मन के खिलाफ पीटा एक्ट के तहत कार्रवाई करे जात हे।
बताथें के भेलई-दुरूग म घलव स्‍पा अउ मसाज के आड़ म अड़बड़ बकनी कारोबार चलत हे। अइसन कारोबार चलईया मन बेस्‍यागिरी अउ दलाली के पईसा के सहारे देखते-देखत बड़का धनमान बन गए हें। लोगन मन के बताती, समाज म गंदगी फइलइया मन के ये कारोबार ‘हप्‍ता’ के सहारे चलत हे, जब तक ‘हप्‍ता’ वसूलई बंद नइ होही ये चलत रईही।

लउछरहा..