लक्ष्मी नारायण लहरे, सारंगढ। चौंथईया लोकसभा म छत्तीसगढ़ के रायगढ़ सीट ले सांसद रहे श्रीमती रजनीगंधा देवी के 82 बछर के उम्मर म आज बिहनिया रायपुर के एक अस्पताल म देहान्त हो गीस। श्रीमती रजनीगंधा देवी सारंगढ़ के राजा नरेश चन्द्र सिंह के बड़े बेटी रहीन। उमन रायगढ़ लोकसभा के सन् 1967 के चुनाव म सांसद निर्वाचित होए रहिन। रजनीगंधा के पति कर्नल वीरेंद्र सिंह रहिन जिंकर कुछ बछर पहली निधन हो गए हे। उंकर विहाव होए के बाद 1968 ले जबलपुर म रहत रहीन। अपन पति के निधन के बाद रजनीगंधा सारंगढ़ आके रहे लगे रहिन। उंकर बेटी नन्दिता सिंह राजकुमार कॉलेज म अध्यापक हें । उंकर बेटा चंद्रवीर जबलपुर म रहिथें, उंकर आये के बाद काल बिहनिया 1 सितम्बर के दिन रायपुर म श्रीमती रजनीगंधा देवी के अंतिम संस्कार होही । उंकर निधन ले सारंगढ़ रियासत म सोक के लहर हे।
