राज्योत्सव 2019 : लोक निर्माण विभाग के स्टॉल म दिखिस विकास काम मन के झलक

रायपुर, राजधानी रायपुर के साईंस कालेज मैदान म आयोजित तीन दिवसीय राज्योत्सव म कई ठन विभाग मन कोति ले राज्य सरकार के विकास काम मन अऊ उपलब्धि मन ल प्रदर्शित करे गए हे। लोक निर्माण विभाग कोति ले पाछू 10 महीना म बनाए गए महत्वपूर्ण सड़क, पुल अऊ भवन मन ल प्रदर्शित करे गए हे, जेकर सराहना राज्योत्सव म पहुंचइया मनखे मन कोति ले करे जात हे। विभाग कोति ले महत्वपूर्ण काम मन के जानकारी चलचित्र के माध्यम ले दीए जात हे। एखर संगेच कई ठन निर्माण काम मन के फोटू घलोक प्रदर्शित करे गए हे। एमां मुख्य रूप ले गोंदवारा रेलवे अंडर ब्रिज, बेहतराई बिलासपुर म राज्य स्तरीय खेल प्रशिक्षण केन्द्र, नगरनार नदी बोड़ना ले बसेली मार्ग म उच्‍च स्तरीय पुल, फरसगांव-साहवाड़ा महानदी म उच्‍च स्तरीय पुल, भाटागांव-रायपुर ओव्हर ब्रिज, शंकर नगर-रायपुर रेलवे ओव्हर ब्रिज, कुशालपुर-रायपुर ओव्हर ब्रिज सामिल हे। एखरे संगेच जिला कार्यालय अंबिकापुर, संयुक्त जिला कार्यालय सूरजपुर, सभागृह मेकाहारा चिकित्सालय, शासकीय पॉलीटेक्नीक कोण्डागांव, जिला शिक्षा अऊ प्रशिक्षण केन्द्र कुम्हारी जिला दुर्ग के तस्वीरें प्रदर्शित करे गए हे। विभाग कोति ले नवा रायपुर म सेक्टर 24 म राजभवन, मुख्यमंत्री निवास, मंत्री अऊ अधिकारी मन बर प्रस्तावित निवास भवन मन के डेमों प्रदर्शित करे गए हे, जेकर मनखे मन कोति ले खूब सराहना करे जात हे। लोक निर्माण विभाग के प्रदर्शनी म एशियन विकास बैंक के तहत तीसर ऋण परियोजना म प्रस्तावित अऊ प्रगतिरत काम मन के विवरण जिलेवार मार्ग मन के नाम अऊ किलोमीटर प्रदर्शित करे गए हे।

लउछरहा..