राज्यपाल सुश्री अनुसुईया उइके ह आज इहां इंदिरा गांधी कृषि विश्वविद्यालय रायपुर के सभागृह म ‘धान के नवीन किस्मों के शीघ्र विकास और बेहतर जैव विविधता उपयोग के लिये प्रजनन कार्यक्रम के आधुनिकीरण’ विसय म आयोजित तीन दिवसीय अंतर्राष्ट्रीय कार्यशाला के शुभारंभ करिन। कार्यक्रम ल संबोधित करत राज्यपाल ह कहिन कि कम लागत म जादा उत्पादन बढ़ाय के रणनीति म काम करके धान के खेती ल लाभकारी बनावव। धान के अइसन प्रजाति विकसित करे जाय जऊन कम लागत म जादा उत्पादन देवईया होवय। एखर संगेच सूखा निरोधक, जैविक अउ जैविक घटक मन के प्रभाव ल सहन करे के क्षमता वाले अउ पोषक तत्व मन ले भरपूर होवय।
कम लागत म जादा उत्पादन बढ़ाय के रणनीति म काम करके धान के खेती ल लाभकारी बनावव: सुश्री उइके
