कृषि मंत्री श्री रविन्द्र चौबे ह कृषि विभाग के स्टॉल के करिस निरीक्षण

रायपुर, कृषि मंत्री श्री रविन्द्र चौबे ह आज इहां साईंस कॉलेज मैदान म छत्तीसगढ़ राज्य स्थापना दिवस के अवसर म आयोजित तीन दिवसीय राज्योत्सव म कृषि विभाग कोति ले लगाये गये स्टॉल के निरीक्षण करिस। तीन दिवसीय राज्योत्सव म कृषि विभाग के स्टॉल म राज्य के महत्वाकांक्षी योजना नरवा, गरूवा, घुरवा, बारी संग आन कई ठन योजना मन के प्रदर्शन करे गए हे। कृषि विभाग के स्टॉल म प्रदेश म कृषि के क्षेत्र म होवत नवाचारी काम मन अऊ कृषक कल्याण संबंधी कई ठन शासकीय योजना मन के जानकारी घलोक प्रदान करे जात हे। ये बेरा म कृषि उत्पादन आयुक्त श्रीमती मनिंदर कौर द्विवेदी संग आन विभागीय अधिकारी उपस्थित रहिन।