लोक स्वास्थ्य यांत्रिकी मंत्री गुरू रूद्रकुमार ह दीन बड़का सौगात

दुर्ग, लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार ह आज दुर्ग जिला के ग्राम बोड़ेगांव म क्षेत्रवासी मन ल विकास काम मन के सौगात दीन। ये मां नवा ग्राम पंचायत भवन, शासकीय प्राथमिक शाला म सांस्कृतिक कार्यक्रम बर डोम निर्माण, मिडिल अउ प्रायमरी स्कूल म शेड निर्माण, गौठान म सेग्रीगेशन यार्ड निर्माण, गौठान म गतिविधि कक्ष निर्माण, आंगनबाड़ी कक्ष के लोकार्पण करिन। संगेच सी.सी.रोड निर्माण अउ प्राथमिक शाला के संधारण अऊ कई ठन विकास काम मन के घलोक भूमिपूजन करिन।
मंत्री गुरू रूद्रकुमार ह क्षेत्रवासी मन ल भूमिपूजन अऊ लोकार्पण बर बधाई अऊ शुभकामना देवत कहिन कि मुख्यमंत्री श्री भूपेश बघेल के नेतृत्व म पूरा प्रदेश विकास करत हे। हमर सरकार ह जेन वादा करे रहिस, ओला पूरा करत हे।