रायपुर, साईंस कालेज मैदान म आयोजित राष्ट्रीय आदिवासी नृत्य महोत्सव म आज देश के अलग-अलग राज्य ले आये कलाकार मन ह मंच म पारम्परिक वेशभूषा अऊ धुन म अपन-अपन राज्य के जनजाति के कई ठन अवसर म प्रस्तुत करइया आकर्षक कार्यक्रम मन के जीवंत प्रस्तुति दीन। आंध्रप्रदेश के कलाकार मन ह इहां के जनजाति मन दशहरा, विवाह संग आन महत्वपूर्ण बेरा म जउन नृत्य प्रस्तुत करथें उही भीमसा नृत्य के प्रस्तुति दीन। राजस्थान के कलाकार मन ह शरीर म रंग पोतके कई पर्व के अवसर म करइया नृत्य सहरियां स्वांग के माध्यम ले दर्शक मन ल थिरके ल मजबूर करिन। सहरियां स्वांग म ढोल, मंजीरा, झांझ अऊ कलाकार मन के जुगलबंदी ल सबो मन सहराइन।
हिमांचल प्रदेश के कलाकार मन ह डंडा रास नृत्य, जम्मू-काश्मीर के कलाकार मन ह गुजर नृत्य कर दर्शक मन के वाहवाही बटोरिन। अरूणांचल प्रदेश कोति ले रेह, तेलंगाना के कलाकार मन लम्बाड़ी नृत्य के प्रस्तुति दीन।
