मुख्यमंत्री रायपुर म समर कोचिंग कैम्प के समापन समारोह म सामिल होइन

रायपुर, मुख्यमंत्री श्री भूपेश बघेल काली रायपुर के यूनियन क्लब अऊ सिक्ख फोरम के तरफ ले आयोजित समर कोचिंग कैम्प के समापन समारोह म सामिल होइन। उमन बेडिमिंटन टेनिस अऊ स्वीमिंग प्रतियोगिता म विजेता लइका मन ल पुरस्कृत करिन।

श्री बघेल ह समारोह म प्रतियोगिता म हिस्सा लेवइया लइका मन ल हार्दिक बधाई अऊ शुभकामना दीन। उमन खेल मन के प्रति लइका मन के रूझान अऊ जोश ल सहराइन अऊ समर कैम्प आयोजन के सराहना करिन। ये बेरा म विधायक श्री कुलदीप जुनेजा, नगर निगम रायपुर के महापौर श्री प्रमोद दुबे, यूनियन क्लब के अध्यक्ष डॉ. ए. फरिश्ता, महासचिव श्री गुरूचरण सिंह होरा संग अड़बड़ झन म खेल प्रेमी, क्लब सदस्य अऊ खिलाड़ी उपस्थित रहिन।

लउछरहा..