मुख्यमंत्री आज दुर्ग जिला के विकासखण्ड पाटन के ग्राम सेलूद के प्राथमिक शाला शताब्दी समारोह म होइन सामिल

दुर्ग, मुख्यमंत्री आज दुर्ग जिला के विकासखण्ड पाटन के ग्राम सेलूद के प्राथमिक शाला शताब्दी समारोह म सामिल होइन। उमन उहां बालक उच्चतर माध्यमिक भवन के भूमिपूजन घलोक करिन। संगेच मिनीमाता के मूर्ति के अनावरण करिन।

समारोह ल सम्बोधित करत मुख्यमंत्री ह कहिन कि स्कूल ह ये साल अपन स्थापना के 100 बछर पूरा कर लेहे हे। 100 साल म ए ह हजारों छात्र-छात्रा मन ल ऊंखर लक्ष्य तक पहुंचाए बर अनमोल शिक्षा प्रदान करे हे। एक प्रकार ले ये ह शिक्षा एक्सप्रेस के जइसे हे। इही खातिर स्कूल प्रबंधन ह इहां के प्रवेश द्वार अऊ चहारदीवारी ल ट्रेन के जइसे स्वरूप देहे हे।

ये बेरा म मुख्यमंत्री ह क्षेत्र के स्वर्गीय उदयराम जी अऊ आन स्वतंत्रता संग्राम सेनानी मन के प्रतिमा म पुष्पांजलि अर्पित करिन। मुख्यमंत्री ह समारोह म कहिन कि सेलूद ये अंचल म आजादी के लड़ाई के केंद्रबिंदु रहिस। स्वर्गीय उदयराम जी ह इहें ले शिक्षा आंदोलन के शुभारंभ करिन फेर गांव-गांव म स्कूल स्थापित । मुख्यमंत्री ह कहिन कि मैं पुरखा मन ल प्रणाम करत हंव। उमन अतका अच्छा नींव रखिन जेकर बुनियाद म अंचल के शिक्षा के ठोस व्यवस्था कायम हो पाइस।

लउछरहा..