राज्यगीत के रचयिता डॉ. नरेन्द्र देव वर्मा के धर्मपत्नी श्रीमति तारा वर्मा ल राज्य सरकार ह करिस सम्मानित

संस्कृति विभाग के सचिव ह शाल अऊ श्रीफल भेंट करके श्रीमती तारा वर्मा ल करिस सम्मानित

रायपुर, छत्तीसगढ़ के राज्यगीत अरपा पैरी के धार … के रचयिता डॉ. नरेन्द्र देव वर्मा के धर्मपत्नी श्रीमति तारा वर्मा ल राज्य सरकार ह आज सम्मानित करिस। संस्कृति विभाग के सचिव श्री सिद्धार्थ कोमल परदेशी अऊ सामान्य प्रशासन विभाग के सचिव श्री डी डी सिंह ह राज्यगीत के रचयिता स्वर्गीय डॉ. नरेंद्र देव वर्मा के धर्मपत्नी श्रीमती तारा वर्मा ले ऊंखर रायपुर निवास म सौजन्य मुलाकात करिन। उमन श्रीमती तारा वर्मा ल शॉल, श्रीफल अउ पुष्पगुच्छ देके सम्मानित करिन।
हम इहां आप ल बता देवन के भाखा शास्त्री अऊ साहित्यकार डॉ. नरेंद्र वर्मा के प्रसिद्ध गीत ‘अरपा पैरी के धार….‘ ल राज्य स्थापना दिवस म राज्यगीत घोषित करे गए हे। ये बेरा म संचालक संस्कृति श्री अनिल कुमार साहू संग आन अधिकारी अऊ परिवारजन उपस्थित रहिन।

लउछरहा..