मुख्यमंत्री ह करिस संत माइकेल अंगरेजी माध्यम स्कूल के नवा विद्यालय भवन के उद्घाटन
रायगढ़, मुख्यमंत्री श्री भूपेश बघेल ह आज रायगढ़ जिला म रामभांठा म संत माइकेल अंगरेजी माध्यम स्कूल के नवा विद्यालय भवन के उद्घाटन करिन। मुख्यमंत्री श्री बघेल ह अपन उद्बोधन म कहिन कि शिक्षा हर एक मनखे के जीवन म महत्वपूर्ण स्थान रखथे। गुणवत्तापूर्ण शिक्षा मनखे ल बेहतर इंसान बनाथे अऊ मनखे जीवन म नवा ऊंचाई प्राप्त करथे। उमन कहिन कि लइका मन ल जऊन क्षेत्र म रूचि होवय ओ क्षेत्र म ओ मन ल बढ़ावा दे के काम अभिभावक अऊ समाज करयं। लइका मन के व्यक्तित्व विकास के बेहतर अवसर प्रदान करव ताकि ओ मन प्रदेश अऊ देश के सेवा कर सकयं। उमन कहिन कि लइका मन के पढ़े बर अच्छा पढ़ाई के वातावरण होना जरूरी हे। उमन खुशी व्यक्त करत कहिन कि आज एक अच्छा स्कूल कैम्पस लइका मन बर मिले हे, जिहां ओ मन ल अच्छा शिक्षा मिलही अऊ ओ मन अच्छा नागरिक बनहीं। उमन बालिका मन कोति ले करे शास्त्रीय नृत्य के सराहना करिन। उमन सबो ल बधाई अऊ शुभकामना दीन।
उच्च शिक्षा मंत्री श्री उमेश पटेल ह सबो ल शुभकामना देवत कहिन कि एक अच्छा स्कूल कैम्पस नगरवासी मन ल मिले हे। ये बेरा म विधायक श्री प्रकाश नायक, श्री लालजीत सिंह राठिया, श्री चक्रधर सिदार, कलेक्टर श्री यशवंत कुमार, पुलिस अधीक्षक श्री राजेश अग्रवाल, बिशप पतरस मिंज, बिशप पाल टोप्पो अऊ श्री सरजियस मिंज संग अड़बड़ झन लइका अऊ नागरिक उपस्थित रहिन।
