कोरिया, छत्तीसगढ़ के चार चिन्हारी- ‘नरवा, गरूवा, घुरवा अउ बारी, गांव ल बचाना हे संगवारी’ के क्रियान्वयन बर संचालित सुराजी गांव योजना के तहत जिला म 10 आदर्श गौठान पूरा तैयार कर लेहे गए हे।
निर्मित आदर्श गौठान जिला के विकासखंड बैकुण्ठपुर के ग्राम सोरगा म 400, ग्राम नरकेली म 620, विकासखंड मनेन्द्रगढ के ग्राम रोझी म 278, ग्राम ढुल्कु म 234, विकासखंड खडगवां के ग्राम चिरमी म 302, गिध्दमुडी म 293, विकासखंड सोनहत के ग्राम घुघरा म 324, ग्राम पुसला म 291 अउर विकासखंड भरतपुर के ग्राम बरौता म 389 अउर ग्राम देवगढ म 408 मवेशी मन के देखभाल म अपन अमूल्य योगदान देवत हे। एमां काम करे बर स्व सहायता समूह के महिला मन अउ स्थानीय गांव वाले मन ल घलोक रखे गए हे।
कलेक्टर ह बताइस कि पहिली चरण म बारिश के पहिली जिला म चुने गे सबो 45 गौठान मन के निर्माण काम पूरा कर ले जाही। ये गौठान डे-केयर सेंटर के रूम म काम करही। जेमां मवेशी मन के इलाज, पीए के पानी के व्यवस्था, चारा बर गोदाम अउ वर्मी कम्पोस्ट होही। उमन कहिन कि पशुपालन, क्रेडा, पंचायत अउ ग्रामीण विकास अउ वन विभाग म संचालित योजना मन के अभिसरण करके कार्ययोजना ल सुनिश्चित करे जात हे। एकर प्रत्यक्ष लाभ स्थानीय मनखे मन ल मिलही, जेखर से ऊंखर जीवन स्तर म सुधार आही।
