गुणवता सहित शिक्षा, पढ़ईया लईका मन बर बहुत जरूरी- श्री टी.एस. सिंहदेव

सूरजपुर, छ.ग. शासन पंचायत अउ ग्रामीण विकास, लोक स्वास्थ्य अउ कुटुंब कल्याण, चिकित्सा शिक्षा योजना आर्थिक अउ सांख्यिकी व 20 सूत्रीय कार्यक्रम वाणिज्यिक कर (जीएसटी) मंत्री श्री टी.एस. सिंहदेव के मुख्य अतिथि म अउ स्कूल शिक्षा, अनुसूचित जाति/जनजाति/अन्य पिछड़ा वर्ग व अल्पसंख्यक कल्याण व सहकारिता विभाग के मंत्री डॉ. प्रेमसाय सिंह टेकाम के उपस्थिति म आज सूरजपुर जिला के ग्राम पंचायत सिलफिली के हायर सेकेण्डरी स्कूल के वार्षिकोत्सव अउ अभिभावक अउ पुरस्कार वितरण कार्यक्रम संपन्न होइस। ए अवसर म कई ठन सांस्कृतिक अउ बौधिक गतिविधि मन के विजेता मन, राज्य स्तरीय अन्तर विद्यालय, राष्ट्रीय स्तर के खिलाड़ी मन, पाछू साल म अपन कक्षा मन म पहिली स्थान पवइया छात्र-छात्रा मन अउ कई ठन श्रेणी मन के अन्तर्गत सर्वश्रेष्ठ छात्र-छात्रा मन ल प्रमाण-पत्र अउ ट्राफी प्रदान करके सम्मानित करे गीस। कार्यक्रम के शुभांरभ मुख्य अतिथि संग सबो अतिथि मन ह मॉं सरस्वती के फोटू म माल्यापर्ण करके दीप प्रज्वलित कर के करिन।
ए अवसर म मंत्री द्वय श्री टी.एस. सिंहदेव अउ डॉ. प्रेमसाय के आगमन म जगह जगह मोटरसायकिल रैली निकालके भव्य स्वागत करे गीस। कार्यक्रम म पूर्व विधायक लुण्ड्रा अउ कॉपरेटिव्ह बैंक के अध्यक्ष श्री रामदेवराम, पूर्व विधायक भटगांव श्रीमती रजनी त्रिपाठी, श्री विंकी बाबा, श्री शैलेश, श्री भुवन संग आन जनप्रतिनिधि, प्रभारी कलेक्टर श्री सजींव कुमार झा, अकतहा पुलिस अधीक्षक श्रीमती मेघा टेम्भुरकर, मुख्य चिकित्सा अउ स्वास्थ्य अधिकारी डॉ. एस.पी. वैश्य, जनपद पंचायत सूरजपुर के मुख्य कार्यपालन अधिकारी श्री वेद प्रकाश पाण्डेय, नायब तहसीलदार श्रीमती अमृता सिंह, जिला शिक्षा अधिकारी श्री राजेश कुमार सिंह, राजीव गांधी शिक्षा मिशन के समन्वयक श्री सुदर्शन अग्रवाल, साक्षर भारत के परियोजना अधिकारी श्री के.पी. दीक्षित, आरएमएसए के परियोजना अधिकारी श्री अजय मिश्रा, सहायक परियोजना अधिकारी श्री दिनेश कश्यप संग जिला स्तर अऊ जनपद स्तर के अधिकारी/कर्मचारी छात्र छात्रा मन, शिक्षक शिक्षिका मन अऊ अभिभावक अउ बड़ संख्या म ग्रामीणजन उपस्थित रहिन। कार्यक्रम के शुरूवात म प्रभारी प्रचार्य श्री नवीन जायसवाल कोति ले विद्यालय के वार्षिक प्रतिवेदन प्रस्तुत करे गीस। कार्यक्रम के संचालन शिक्षक श्री शिव कुमार सिंह ह करिस।

लउछरहा..