स्वदेशी हमर शक्ति हे, जेखर से हम आत्मनिर्भर बनथन : सुश्री उईके

बिलासपुर म आयोजित स्वदेशी मेला म सामिल होइस राज्यपाल

रायपुर, स्वदेशी हमर शक्ति हे, जेखर से हम आत्मनिर्भर बनथन। हमर देश सोना के चिड़िया अइसनहे नइ बन गीस। देश के व्यापारी मन ह विदेश म समृद्ध व्यापार करिन। जेखर से हमार देश म समृद्धि आइस। राज्यपाल सुश्री अनुसुईया उईके ह आज बिलासपुर के स्वदेशी मेला म ये उद्गार व्यक्त करिन।
बिलासपुर म भारतीय विपणन विकास केन्द्र कोति ले साईंस कॉलेज ग्राउण्ड म स्वदेशी व्यापार मेला आयोजित करे गए हे। पाछू 14 नवंबर ले चलत ये मेला म राज्यपाल सुश्री उईके ह आज शिरकत करिन। उमन मेला के भव्यता म अचरज अऊ खुशी व्यक्त करत कहिन कि स्वदेशी उत्पाद मन के परिचय कराए अऊ ओखर प्रति जागरूकता लाय बर ये मेला सारथक हे।
ये बेरा म बिलासपुर के महापौर श्री किशोर राय, बेलतरा विधायक श्री रजनीश सिंह, पुलिस अधीक्षक श्री प्रशांत अग्रवाल, जिला पंचायत के मुख्य कार्यपालन अधिकारी श्री रितेश अग्रवाल, सहायक कलेक्टर श्री देवेश धु्रव, डॉ. विनोद तिवारी, मेला के प्रबंधक श्री सुब्रत चाकी, किरण मेहता, स्वदेशी जागरण मंच के श्रीमती अरूणा दीक्षित, सुशील श्रीवास्तव संग आयोजन समिति के आन सदस्य अऊ शहर के गणमान्य नागरिक बड़ संख्या म उपस्थित रहिन।