रायपुर, स्वास्थ्य मंत्री श्री टी.एस. सिंहदेव ले आज सिविल लाइन स्थित नवीन थिरावन भवन म कई ठन प्रतिनिधि मंडल अऊ संघ के पदाधिकारी मन ह मुलाकात करिन। स्वास्थ्य मंत्री ले मुलाकात के बेरा म उमन अपन मांग अऊ समस्या मन के बारे म जानकारी दीन। श्री सिंहदेव ह उंखर समस्या मन ल गंभीरता ले सुनिन अऊ सहानुभूतिपूर्वक विचार करे के बात कहिन। ए बेरा म स्वास्थ्य विभाग के सचिव श्रीमती निहारिका बारिक, संचालक स्वास्थ्य सेवाएं श्रीमती शिखा राजपूत तिवारी अऊ संचालक चिकित्सा शिक्षा डॉ. एस.एल. आदिले संग बहुत अकन वरिष्ठ विभागीय अधिकारी घलोक मौजूद रहिन।
स्वास्थ्य मंत्री श्री सिंहदेव ले छत्तीसगढ़ शासकीय चिकित्सा अधिकारी संघ, इंडियन मेडिकल काउंसिल, मेडिकल कॉलेज टीचर्स एसोशिएशन, छत्तीसगढ़ परिचारिका कर्मचारी कल्याण संघ, पैरामेडिकल प्रेक्टिशनर्स एसोशिएशन, आयुर्वेद वैद्य विशारद चिकित्सक संघ, इंडियन डेंटल एसोशिएशन अउ जन स्वास्थ्य रक्षा समिति के पदाधिकारी मन संग बहुत अकन प्रतिनिधिमंडल ह मुलाकात करिस।
