रायपुर, मुख्यमंत्री श्री भूपेश बघेल आज बेमेतरा जिला के ग्राम बावामोहतरा म डड़सेना कलार समाज के सम्मेलन के समय एक हितग्राही ल ट्रेक्टर के चाबी सौंपत समय खुद ल ट्रेक्टर म बइठे अऊ चलाय ले नइ रोक पाइन। ऊंखर संग गृह मंत्री श्री ताम्रध्वज साहू अऊ विधायक आशीष छाबड़ा ह घलोक ट्रेक्टर के सवारी करिन।
ट्रेक्टर म सवार होए म मुख्यमंत्री ल अपन खेती-किसानी ले जुड़े जुन्ना सुरता ताजा हो गीस। उमन हितग्राही सुरेन्द्र ल अपन शुभकामना दीन। जिला अंतव्यवसायी सहकारी विकास समिति बेमेतरा कोति ले थानखम्हरिया तहसील के ग्राम गर्रा निवासी सुरेन्द्र कुमार गायकवाड ल ट्रेक्टर बर 8.40 लाख रूपिया के ऋण स्वीकृत करे गए हे। ओ मन ल बैंक ब्याज म छूट के लाभ मिलही।
