ट्रांस जेन्डर समुदाय ल मुख्यधारा म सामिल करना हम सब के जिम्मेदारी : डॉ. डहरिया

रायपुर, नगरीय प्रशासन मंत्री डॉ. शिवकुमार डहरिया आज इहां टाटीबंध स्थित बीएसयूपी योजना के तहत बने आवासीय परिसर म ट्रांस जेंडर समुदाय कोति ले आयोजित आभार कार्यक्रम म सामिल होइन। कार्यक्रम ल सम्बोधित करत डॉ. डहरिया ह कहिन के ट्रांस जेन्डर समुदाय हमार समाजेच के अंग ये। आम मनखे मन के जइसे ए मन ल घलोक सम्मान से जीवन जीए के अधिकार हे। ए समुदाय ल समाज के मुख्यधारा म सामिल करना हम सब के जिम्मेदारी हे। हम आप मन ल बता देवन के आवासीय फ्लेट मिले के उपलक्ष्य म ट्रांस जेंडर समुदाय कोति ले आभार कार्यक्रम के आयोजन करे गए रहिन। ए मौका म रायपुर नगर निगम के महापौर श्री प्रमोद दुबे, पार्षदगण, आयुक्त श्री रजत बंसल संग तीसर लिंग समुदाय के मन अऊ मोहल्ला वाले मन उपस्थित रहिन।

लउछरहा..