धमतरी के नेशनल ट्रायबल डांस फेस्टिवल कुरूद म 30 नवंबर के होइस

धमतरी, नेशनल ट्राइबल डांस फेस्टिवल 2019 के अंतर्गत जिला स्तरीय प्रतियोगिता 30 दिसम्बर के कुरूद के ऑडिटोरियम म होइस। प्रतियोगिता म चारो विकासखंड के पहिली पुरस्कार पाए 16 सांस्कृतिक दल मन ह हिस्सा लीन जेमां विवाह, फसल कटाई, तिहार अऊ आन परंपरागत थीम उपर आधारित शानदार प्रस्तुति दीन।

सहायक आयुक्त आदिवासी विकास श्रीमती रेशमा खान ह बताइस कि त्यौहार थीम म पहिली पुरस्कार नेहरू युवा केन्द्र धमतरी अऊ दूसर पुरस्कार उच्चतर माध्यमिक विद्यालय कोसमर्रा कुरूद के टीम ह प्राप्त करिस। फसल कटाई अंतर्गत पहिली पुरस्कार पीजी महाविद्यालय धमतरी के टीम ह अऊ दूसर पुरस्कार हाई स्कूल दुगली के टीम ह, विवाह थीम म मगरलोड के ग्राम मोहेरा के टीम ह पहिली अऊ कस्तूरबा आवासीय विद्यालय निर्राबेड़ा के छात्रा मन ह दूसर स्थान प्राप्त करिस। ओपन कैटेगरी म पहिली पुरस्कार ग्राम सरईटोला के टीम ह अऊ दूसर पुरस्कार कन्या छात्रावास मगरलोड के टीम ह प्राप्त करिस। हर एक थीम म पहिली स्थान प्राप्त टीम मन ल 5000 रूपिया के नगद पुरस्कार, चिनहा अउ प्रशस्ति पत्र अऊ दूसर स्थान प्राप्त टीम मन ल 3000 रूपिया के नगद पुरस्कार, चिनहा अउ प्रशस्ति पत्र देके सम्मानित करे गीस। एखर अलावा सबो भाग लेवइया टीम मन ल सहभागिता प्रमाण पत्र प्रदान करे गीस। सहायक आयुक्त आदिवासी विकास ह बताइस कि जिला स्तर म सबले जादा अंक प्राप्त करइया पहिली अउ दूसर टीम 07 दिसंबर के गरियाबंद जिला म होवइया संभाग स्तरीय प्रतियोगिता म हिस्सा लेहीं।

लउछरहा..