- जिला स्तरीय युवा महोत्सव अउ नेशनल ट्राइबल डांस फेस्टिवल के होइस रंगारंग शुभारंभ
- लोकनृत्य अउ पारंम्परिक खेल अउ फूड फेस्टिवल के मनखे मन ह लीन आनंद
कोण्डागांव, दू दिसम्बर के जोहार एथनिक रिसॉर्ट कोण्डागांव म जिला प्रशासन अउ खेल एंव युवा कल्याण विभाग कोति ले कलेक्टर श्री नीलकण्ठ टीकाम के उपस्थिति मे जिलास्तरीय युवा महोत्सव अउ नेशनल ट्राइबल डांस फेस्टिवल ’बस्तर कॉर्निवल 2019’ के शुभारंभ होइस। ये बेरा म एक दिवसीय फेस्टिवल म जिला के कोण्डागांव, माकड़ी, फरसगांव, केशकाल, बड़ेराजुपर, विकासखण्ड के कई ठन गांव अऊ क्षेत्र मन के 15 जनजातीय नृत्य समूह ह शिरकत करिस। ये दौरान कई ठन विधा जइसे लोकगीत, एकांकी नाटक, चित्रकला, फुड फेस्टिवल, वाद विवाद प्रतिायोगिता, पांरम्परिक वेशभूषा प्रतियोगिता अउ पांरम्परिक खेल आदि के आयोजन होइस। पांरम्परिक नृत्य म माटी मांदरी, गुटा मांदरी, मांदरी, राउत नाचा, सुआ नृत्य, आदि के प्रस्तुति करे गीस। पांरम्परिक खेल मन ल विशेष महत्व देवत फुगड़ी, भौंरा, गेड़ी दौड़, खो-खो, कबड्डी आदि के आयोजन करे गीस। कलेक्टर श्री नीलकंठ टीकाम ह ये बेरा म कहिन कि कोण्डागांव जिला के ये एक मात्र अनुठा आयोजन हे जिहां सबो ब्लॉक ले आये कलाकार मन ह अपन कला प्रदर्शन, पारम्परिक वेशभूषा अउ सांस्कृतिक प्रस्तुति ले कार्निवल के स्वरुप ल साकार कर दीन। काबर कि आदिवासी लोककला परम्परा अऊ संस्कृति के संवर्धन बर शासन कोति ले राष्ट्रीय आदिवासी नृत्य के आयोजन करे जात हे अऊ एखर जरिये ओ मन ल एक मंच देना राज्य शासन के प्रमुख मंशा हे। ताकि अवइया पीढ़ी अपन संस्कृति के स्वरुप ल देखके अपन सांस्कृतिक सभ्यता ले परिचित होके ओ मन गर्व महसूस कर सकयं।
लोकनृत्य म झलकिस स्थानीय पर्व मन के उछाह
ये दौरान स्थानीय पर्व मन के अवसर म प्रस्तुत होवइया लोक नृत्य म कोण्डागांव ले दुर्जन नेताम अउ साथी, केशकाल ले चेतन पाण्डे अउ साथी, माकड़ी ले युक्ती चौहान अउ साथी, फरसगांव ले गुट्टापर्रा दल, ग्राम कोपरा अउ इंगरा के प्रतिभागी मन कोति ले राउत नाचा अऊ गुट्टापर्रा दल कोति ले भिरमिण्डा नृत्य, लोकगीत म जयकिशन मार्कण्डेय अउ साथी, बड़ेराजपुर ले राजूराम अउ साथी, माकड़ी ले मनीष अउ साथी अऊ फरसगांव ले योगेश्वरी पाण्डे अउ साथी कोति ले करे प्रदर्शन ह कार्निवल के रंगत बढ़ा दीस। संगेच बांसुरी वादन प्रतियोगिता म बडे़राजपुर ले चंदन मरकाम, माकड़ी ले जागेश्वरी सोरी, फरसगांव ले शांन्तनु यादव, कोण्डागांव ले दामोदर पटेल रहिन अऊ तबला वादन प्रतियोगिता मे शीतल साहू, भारोस चक्रधारी, लोकेश गंर्धव, जयराम मरकाम, दिनेश साहू ह सु-मधूर गीत अऊ वादन ले लोगन के दिल जीत लीस। ये बेरा म एकांकी नाटक विधा म कोण्डागांव ले रामेश्वरी अउ साथी, केशकाल ले विजय कुमार अउ साथी, माकड़ी ले रमेश नेताम कोति ले अपन प्रतिभा के प्रदर्शन करे गीस अऊ मौका म फूड फेस्टिवल म पारम्परिक व्यंजन मन के घलोक आगंतुक मन ह भरपूर लुत्फ उठाइन। आयोजन म कई ठन खेल जइसे खो-खो, कबड्डी, चित्रकला, क्वीज प्रतियोगिता घलोक छात्र-छात्रा मन बर रखे गए रहिस।
संभाग स्तर म ए लोक नृत्य दल मन के होइस चयन
लोक नृत्य म निर्णायक दल मन कोति ले करे गए चयन के मुताबिक केशकाल के बिंझे, चिखलाडीही, अऊ कानागांव के ‘हुल्की‘ नृत्य, छोटेराजपुर अऊ कोनगुड़ ल ‘कोलांग‘ ग्राम कोपरा के राउत नाचा ल पहिली, दूसर अउ तीसर स्थान मिलीस। जिनला अब संभाग स्तर म प्रदर्शन बर चयन करे गीस। ये बेरा म सहायक आयुक्त आदिवासी विकास जी.आर.सोरी, जिला शिक्षा अधिकारी राजेश मिश्रा, खेल अधिकारी सुधराम मरकाम संग आन अधिकारी उपस्थित रहिन।
