पंचायत अऊ ग्रामीण विकास मंत्री ह नई दिल्ली म हस्तशिल्प अऊ हथकरघा प्रदर्शनी के करिस अवलोकन

बुनकर मन के आय बढ़ाय बर हरसंभव कोसिस – श्री टी.एस. सिंहदेव

नई दिल्‍ली, छत्तीसगढ़ के पंचायत अऊ ग्रामीण विकास अऊ स्वास्थ्य मंत्री श्री टी.एस. सिंहदेव ह आज नई दिल्ली के छत्तीसगढ़ भवन म लगे हस्तशिल्प अऊ हथकरघा प्रदर्शनी के अवलोकन करिन। उमन बुनकर मन के कारीगरी अऊ मेहनत के सराहना करत कहिन कि बुनकर मन ल उंखर मेहनत के वाजिब दाम मिलय, एखर बर छत्तीसगढ़ सरकार हरसंभव कोसिस करत हे। बुनकर मन बर कम कीमत म कच्चा माल के व्यवस्था करे जाही।

श्री सिंहदेव ह कहिन कि छत्तीसगढ़ के बुनकर मन के कोसा अऊ हथकरघा के कारीगरी अड़बड़ सुग्‍धर हे। हमला इंकर बर नवा बाजार के तलाश करना चाही। छत्तीसगढ़ के हस्तशिल्प के प्रचार-प्रसार अऊ बिक्री बढ़ाये बर महानगर मन म जादा ले जादा संख्या म प्रदर्शनी लगाना चाही।

लउछरहा..