मंत्री श्री उमेश पटेल माघी पुन्नी मेला (शबरी महोत्सव) म होइन सामिल

रायपुर, खेल अउ युवा कल्याण मंत्री श्री उमेश पटेल गत दिवस जिला रायगढ़ के खरसिया विकासखंड के ग्राम बासनपाली म आयोजित माघी पुन्नी मेला (शबरी महोत्सव) म बतौर मुख्य अतिथि सामिल होइन। ये बेरा म उमन माता शबरी के पूजा-अर्चना करके प्रदेश के खुशहाली अउ सुख-समृद्धि के कामना करिन। माघी पुन्नी मेला के आयोजन अट्ठारह गढ़ सवरा समाज कोति ले 14 फरवरी ले 16 फरवरी तक करे गए रहिस। ये बेरा म मंत्री श्री पटेल ह मेला स्थल के जुन्ना छतदार पूजा स्थल के नवा निर्माण कराए जाय अऊ शबरी मंदिर प्रांगण म बाउंड्रीवाल निर्माण करे जाय के घोषणा करिन। एखर संगेच उमन गांव म स्कूल भवन निर्माण बर 20 लाख रूपिया के राशि स्वीकृत होए के जानकारी दीन।
कार्यक्रम ल संबोधित करत मंत्री श्री पटेल ह कहिन कि छत्तीसगढ़ सरकार समाज के सबो वर्ग के हित ल ध्यान रखत जनकल्याणकारी योजना मन ल लागू करत हे। उमन कहिन कि सवरा समाज के पूरा विकास अउ ऊंखर समस्या मन के निराकरण बर हर संभव मदद करे जाही। कार्यक्रम म जनपद अध्यक्ष सुशील भोय, जनपद उपाध्यक्ष गोपी चौधरी, सरपंच मनी राम सिदार, लीलाधर चौधरी, सवरा समाज के केंद्रीय अउ क्षेत्रीय पदाधिकारी रोहित सिदार, लकेश्वर श्याम, खोलबहरा प्रसाद सिदार, तेज राम सिदार, दवेंद्र भोई,पूरन सरल,तेकलाल सिदार, लालसाय सिदार, धन साय सिदार, साखी राम सिदार संग बड़ संख्या म मनखे उपस्थित रहिन।

लउछरहा..