महान गणितज्ञ वशिष्ठ नारायण सिंह के निधन

पटना, आइंस्टीन के सापेक्षता के सिद्धांत ल चुनौती देवइया महान गणितज्ञ वशिष्ठ नारायण सिंह के आज भिनसरहा बिहार के पटना चिकित्सा महाविद्यालय अऊ अस्पताल (पीएमसीएच), पटना म निधन हो गीस उमन 74 साल के रहिन।
उंकर लाग-मानी मन ह बताइन के सिजोफ्रेनिया ले पीड़ति सिंह के मुंह ले भिनसरहा खून निकले लगिस। एखर बाद तुरते ओ मन ल पीएमसीएच म भर्ती कराए गीस, जिहां चिकित्सक मन ह ओ मन ल मृत घोषित कर दीन।
वशिष्ठ नारायण सिंह पाछू कई बछर ले बीमार चलत रहिन। ऊंखर शरीर म सोडियम के मात्रा बिक्‍कट कम हो जाय के बाद ओ मन ल पीएमसीएच म भर्ती कराए गए रहिस। सोडियम चढ़ाये जाय के बाद वोमन बातचीत करे लगे रहिन अऊ ठीक होए म चिकित्सक मन ओ मन ल छुट्टी दे दिए रहिन। आज बिरसपत के दिन लाग-मानी मन ओ मन ल दुबारा अस्पताल लेबिन, जिहां चिकित्सक मन ह ओ मन ल मृत घोषित कर दीन।