राज्योत्सव 2019 म ग्रामोद्योग उत्पाद ल उपभोक्ता मन बनेच सहराईन

रायपुर, 18 जनवरी, 2020  छत्तीसगढ़ राज्य के स्थापना दिवस म दिनांक 01 ले 05 नवम्बर 2019 के अवधि म शासन कोति ले छत्तीसगढ़ राज्योत्सव समारोह के आयोजन साईंस कालेज मैदान रायपुर म करे गए रहिस। ये बेरा म छत्तीसगढ़ राज्य के कई जिला मन मे ग्रामोद्योग क्षेत्र म कार्यरत बुनकर कारीगर, हस्तशिल्पी, माटी शिल्पि, खादी बुनकर अऊ कई ठन कुटीर उद्योग म संलग्न हितग्राही मन ल प्रोत्साहन प्रदान करे अऊ ऊंखर उत्पाद मन के उपभोक्ता मन म लोकप्रिय बनाके अऊ ओ मन ल विपणन सुविधा प्रदान करे के दृष्टि ले राज्योत्सव स्थल म शिल्पग्राम के निर्माण करे गए रहिस। शिल्पग्राम म हाथकरघा क्षेत्र म कार्यरत 38 बुनकर सहकारी समितिय कई ठन शिल्प मन के करीबन 42 हस्तशिल्प, 23 माटीशिल्पकार मन अऊ खादी ग्रामोद्योग के 08 इकाईयां कोति ले अपन उत्पाद के प्रदर्शन अउर विक्रय करे गीस।

एसो के राज्योत्सव म ग्रामोद्योग विभाग कोति ले लगाये गए शिल्पग्राम म कुल 75.98 लाख रूपिया के उत्पाद मन के विक्रय करे गीस। राज्योत्सव म ग्रामोद्योग के हाथकरघा कारीगर, हस्तशिल्पि, माटी शिल्पि, खादी ग्रामोद्योग के हितग्राही मन ल मिले अच्छा प्रतिषाद ले ओमन म बिक्‍कट उत्साह रहिस। ऊंखर कोति ले शासन के अइसन आयोजन म ग्रामोद्योग के उत्पाद मन ल प्रोत्साहन अउ विपणन सुविधा प्रदान करे बर आभार व्यक्त करे गीस।

लउछरहा..