नवा दिल्ली, 24 बछर के भारतीय पहलवान विनेश फोगाट ह वारसा म पोलैंड ओपन कुश्ती टुर्नामेंट म शानदार प्रदर्शन करत महिला मन के 53 किग्रा म स्वर्ण पदक जीते हे। ये ह ये भार वर्ग म ओखर सरलग तीसरइया स्वर्ण पदक हे। विनेश ह पाछू महीना स्पेन म ग्रां प्री अऊ तुर्की के इस्तांखल म वासर दोगु अंतरराष्ट्रीय टूर्नामेंट म घलोक स्वर्ण पदक जीते रहिस।
विनेश फोगाट के फाइनल म स्थानीय पहलवान रुकसाना ले भिडंत रहिस। ओ ल विपक्षी पहलवान ले कड़क चुनौती मिलीस, फेर आखिर म विनेश ह ओला 3-2 ले पटखनी दे दीस। विनेश ह एखर ले पहिली क्वार्टर फाइनल म रियो ओलंपिक खेल के कांस्य पदक विजेता बंफ्ला स्वीडन के सोफिया मैटसन ल हराए रहिस। विनेश फोगाट ले ये जीत उपर पूछे म ओ ह खुशी जतात कहिस कि प्रतिद्वंद्वी के खिलाफ भिड़इ मोर बर सबले बड़का सकारात्मक पहलू ये होथे कि एखर से में अपन सर्वश्रेष्ठ प्रदर्शन करथंव। एखर से मोला महत्वपूर्ण सबक मिलथे। मैं पोलैंड ओपन म अपन प्रदर्शन ले खुश हंव।
