विश्व सिकल सेल दिवस के अवसर म मुख्यमंत्री ह तीन पीड़ित लइका मन के करिन अभिनंदन

दुर्ग, मुख्यमंत्री श्री भूपेश बघेल कोति ले विश्व सिकल सेल एनीमिया दिवस 19 जून 2019 के दिन रायपुर म आयोजित राज्य स्तरीय कार्यक्रम म दुर्ग जिला के 3 सिकल सेल एनीमिया पीड़ित लइका मन के अभिनंदन करे गीस।

दुर्ग जिला के मुख्य चिकित्सा अउ स्वास्थ्य अधिकारी डॉ. गंभीर सिंह ठाकुर के मार्गदर्शन म जिला के 3 सिकल सेल पीड़ित लइका मन ल सिकल सेल संस्था रायपुर म भेजे गीस। जिहां मुख्यमंत्री श्री बघेल कोति ले स्वागत वंदन अभिनदंन करे गीस। संगेच पूर्व माध्यमिक शाला सोमनी के कुमारी महेश्वरी वर्मा पिता श्री नारायण शर्मा, पूर्व माध्यमिक शाला रानीतराई के कुमारी गीतांजली धीमर पिता श्री राकेश धीमर अउ पूर्व माध्यमिक शाला भोथली के कुमारी मानिकपुरी पिता श्री बालक दास मानिकपुरी ल प्रोत्साहन स्वरूप स्कूल बैग प्रदान करे गीस।

मुख्यमंत्री अउ स्वास्थ्य मंत्री छत्तीसगढ़ शासन के तरफ ले राज्य के सिकल सेल पीड़ित लइका मन के जीवन ल स्वस्थ्य अउ उज्जवल बनाए बर अभिनव प्रयास करे जात हे, जेखर से ए प्रकार के तकलीफ वाले लइका मन के मनोबल ऊंचा हो सकय अउ ऊंखर जीवन जीए के शैली समाज के मुख्य धारा ले अविरल जुड़े रहय ताकि समाज अउ प्रदेश के उन्नति म ओ मन सहभागी बन सकयं।

लउछरहा..