युवा महोत्सव म प्रदेश के ग्रामीण प्रतिभा मन ल मिलही मंच : बेमेतरा जिला के 287 युवा भाग लेवइया गीत-संगीत संग 24 विधा मन म देखाहीं अपन जौहर

रायपुर, राजधानी रायपुर म 12 जनवरी ले तीन दिवसीय राज्य स्तरीय युवा उत्सव आयोजित करे जात हे। ये मां प्रदेश के कई ग्रामीण प्रतिभा मन ल अपन कला के प्रदर्शन बर उचित मंच मिलही। एखर से कई दबे प्रतिभा मन आगू आही अऊ ओ मन ल निखरे के अवसर मिल सकही। अपन प्रतिभा ल ये मंच म साझा करे बेमेतरा जिला के 287 भाग लेवइया 24 विधा मन म अपन प्रतिभा के प्रदर्शन करहीं। ये दल म 151 पुरुष कलाकार अऊ 115 महिला कलाकार अऊ 14 पुरुष अधिकारी अउर 07 महिला अधिकारी सामिल होहीं। ये कलाकार करमा नृत्य, सुआ नाच, पंथी नृत्य, डंडा नाच, राउत नाच म अपन प्रतिभा के प्रदर्शन करहीं। लोक नृत्य के संग भाग लेवइया शास्त्रीय गायन, शास्त्रीय नृत्य म मणिपुरी, कत्थक, ओडिसी, भरतनाट्यम म घलोक अपन कला के जौहर देखाहीं। लोकगीत के अलावा शास्त्रीय वादन श्रेणी म हारमोनियम, तबला, बांसुरी के सुर के सरगम राजधानी म गूंजही। उहें चित्रकला, वाद-विवाद, तात्कालिक भाषण, निबंध प्रतियोगिता संग गेंड़ी चाल, फुगड़ी, भौंरा जइसे पारंपरिक प्रतियोगिता के अलावा छत्तीसगढ़ी व्यंजन अउर वेशभूषा म घलोक होनहार छात्र-छात्रा बेमेतरा के प्रतिनिधित्व करहीं।

लउछरहा..